کوئٹہ(پاکستان نیوز پوائنٹ 06جنوری2016ء) الخدمت فاؤنڈیشن کوئٹہ نا صدر ڈاکٹر نعمت اللہ تین پہ تینی صلابت آن پد ضلعی عہدیدار آتا پن تا پڑو ءِ کرینے، الخدمت فاؤنڈیشن نا جاری کروک بیان نارداٹ عنایت اللہ و فضل محمد نورزئی ءِ نائب صدر، محمد ہاشم خان جنرل سیکرٹری، محمد اکرم سیکرٹری اطلاعات و محمد عارف ءِ سیکرٹری مالیات مقرر کننگانے، داکان بیدس پوسکن گچین مروک آ زموارآتا دیوان آن تران کرسا ڈاکٹر نعمت اللہ پارے کہ ڈکھیا انسان تا خذمت عظیم ءُ کاریم و صدقہ جاریہ اسے، الخدمت فاؤنڈیشن بے رنگ و نسل و سیاسی پرخ انا نیزگار الس نا جان جوڑی ، تعلیم تون اوار ایلو بشخ آتیٹی پبی کمک کننگ ءِ ہنداخاطران لمی ءِ کہ راج انا غٹ تپہ غاتیان تعلق تخوک آ بندغ آک الخدمت فاؤنڈیشن نا شرحالی ڈٹ آتا خصوصی سرپرستی کرسا پبی کمک کریر۔
