بنجائی وزیر داخلہ چوہدری نثارعلی خان نا برطانوی و یورپی پارلیمنٹ نا مسہ باسکی ڈل اتون اوڑدہی ٹی ہیت وگپ

بنجائی وزیر داخلہ چوہدری نثارعلی خان نا برطانوی و یورپی پارلیمنٹ نا مسہ باسکی ڈل اتون اوڑدہی ٹی ہیت وگپ

اسلام آباد(پاکستان نیوز پوائنٹ 06جنوری2016ء) بنجائی وزیر داخلہ چوہدری نثارعلی خان پارینے کہ برطانوی پارلیمان اٹی کشمیر و عالم اسلام نا بابت چست کروک ٹک آک ستاکڑزرہ، جہانی برادری نئے بیرہ پاکستان نا موقف ءِ است انا ھب اٹ خف توریر بلکن اودے سہی سیاق و سباق اٹ سمجھنگے۔ اوداہیت ءِ برطانوی و یورپی پارلیمنٹ نا مسہ باسکی ڈل اتون اوڑدہی ٹی پارے۔

اوڑدہی ٹی ہڑتوم آ کنڈآتا تعلقداری، پاکستان و برطانیہ نا نیام اٹ کیہی معاملہ غاتیٹی برجاء کمکاری، اسیجائی پارلیمانی امور و کشمیر تون اوار ڈیہہ نا حالیت آخیا ل آتا درشانی کننگا۔ داوخت آ وزیر داخلہ پارے کہ برطانوی پارلیمنٹ اٹی کشمیر و عالم اسلام نا بابت چست کروک آ ٹک آک ستاکڑزرہ۔ اوپارے کہ علاقائی و جہانی امن نا اڈتننگ نا چرجوئی ٹی بے شمار قربانی تیان پد ہم گڑاس عنصر آتا کنڈآن تاریخی و ڈغاری حق ءِ یکسر نظرانداز کرسا پاکستان ءِ تنقید نا نشانہ جوڑ کننگا، کہولی معلومداری تخوک آک و پین اسے نا اشارہ غاتیا چلینگوک آتیان بیدس دا فہرست اٹی اوہم اوار ءُ ہرافتا تینا دوک مظلوم تا دتراٹ رنگی ءُ و ہرا علاقائی امن نا کسر اٹی غٹ آن بھلا اڑاند ءِ۔

وزیر داخلہ پارے کہ جہانی برادری نئے صرف پاکستان نا موف ءِ است انا ھب اٹ خف تورے بلکن اودے سہی سیاق و سباق اتون سمجھنگے۔ برطانیہ ہمومنہ ملک آتیٹی اوار ءِ ہراڑے پاکستان نا موقف خف توننگ و بھلو حد اسسکان سمجھنگک۔ علاقائی امن نا اڈتننگ نا کوشست و ادارہ غاتا سوگوی ٹی برطانوی حکومت نا کمکاری ستاکڑزک۔ برطانوی ڈل اٹی لارڈ نذیر احمد، لارڈ قربان حسین و باسک یورپین پارلیمنٹ افضل خان اوار ئسر۔