اسلام آباد(پاکستان نیوز پوائنٹ 06جنوری2016ء) بنجائی وزیر مذہبی امور سردار محمد یوسف پارینے کہ اسلام آباد اٹی اسہ ہی وخت پنچ انگا نماز نا ادائیگی آ پوروی وڑاٹ عمل مننگ کتنے ولے نن پرعزم اُن و داچرجوئی ٹی ہروڑنا اڑاند آتے مرکننگک۔ مچ آ ملک اٹی اسہ ہی وخت نماز نا ادائیگی نا بابت کراچی ، کوئٹہ ، پشاور ولاہور اٹی صلوٰة کمیٹی اس اڈتننگک۔ جمعہ آ جامع مسجد محمدیہ ایف 6اٹی نماز جمعہ نا مچی آن تران کرسا اوپارے کہ دنیا نا بھاز انگا ملک آتیٹی اسہ ہی وخت اٹی آذان و نماز نا ادائیگی مریک۔
پاکستان اسلام نا پن آ دوئی کننگانے نن بایدے دانا قدر ءِ کین۔ اوپارے کہ بوسنیا کون ءُ ملک اسے ٹی ہم نما زنا اسہ ہی وخت اس مقرر ءِ تو پاکستان اٹی اسہ ہی وخت اٹی آذان انت اکن مننگ کپک۔ اوپارے کہ اسلام آباد نا غٹ مکاتب فکر انا عالم دینک اسہ اسیجائی کلینڈر اس تیار کرینو ہراڑآ عمل بایدے مرے۔ نن سختی نا قائل افن ولے ہرااڑاند آک مریرہ اوفتے مر کینہ۔
