پوسکنا اسلام آباد ایئر پورٹ بروک آ سال جون اسکان پوروی وڑاٹ فعال مریک، شیخ آفتاب احمد

اسلام آباد(پاکستان پوائنٹ نیوز۔26 جولائی۔2016) بنجائی وزیر پارلیمانی امور شیخ آفتاب احمد پارے کہ پوسکنا اسلام آباد ایئر پورٹ نا 73درسد جوڑجاڑی کاریم مسنے، بروک آسال جون اسکان ایئر پورٹ پوروی وڑاٹ فعال مریک۔ سے شنبے آ ایوان بالا نا دیوان اٹی وقفہ سوج آتا وخت آ سینیٹر احمد حسن، سعید الحسن مندوخیل، و اشوک کمار نا سوج آتا ورندی ٹی بنجائی وزیر پارلیمانی امور شیخ آفتاب احمد ایوان ءِ پارے کہ پوسکنا اسلام آباد ایئر پورٹ نا 73درسد جوڑ جاڑی کاریم مسنے۔ 25دسمبر اسکان غٹ کاریم پورو مننگ نا اومیت ارے اوکان گڈ ایئر پورٹ ءِ آپریشنل کننگ کن شش تو انا وخت درکار مریک۔ اوپارے کہ بروک آ سال جون اسکان ایئرپورٹ پورو وڑاٹ فعال مریک۔