پی پی وزیراعلیٰ سندھ ءِ بدل کرسا پوسکن ءُ روایت اس قائم کرینے، صاحبزادہ طارق اللہ

اسلام آباد (پاکستان پوائنٹ نیوز۔26 جولائی۔2016) جماعت اسلامی نا قومی اسمبلی ٹی پارلیمانی کسرشون صاحبزادہ طارق اللہ دوائی تا نرخ آتے ٹی ودکی آ گڑتی نا درشانی ءِ کرسا پارے کہ حکومت دوائی تا نرخ آتے ٹی ودکی ءِ دمدستی پدی ہلے، پی پی پی وزیراعلیٰ سندھ ءِ بدل کرسا پوسکن ءُ روایت اس قائم کرینے۔ سے شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ وزیراعظم دوائی تا نرخ آتے ٹی ودکی نا نوٹس ءِ ہلے و ودکی ءِ پدی ہلنگ نا پارت ایتے۔

اوپارے کہ دوائی تا نرخ آتے ٹی ودکی آن لس بندغ زہمی مریک۔ اسہ سوج اسینا ورندی ٹی وزیراعلیٰ سندھ انا بدلی نا بابت اوپارے کہ پی پی پی نا سروک وزیراعلیٰ سندھ ءِ بدل کرسا پوسکن ءُ روایت اس قائم کرینے ، پوسکنا وزیراعلیٰ جوش و جوزہ تون سندھ انا الس کن کاریم کیک۔