کوئٹہ(پاکستان نیوز پوائنٹ 05جنوری2016ء) تربت یونیورسٹی نا گوادر کیمپس اٹی جتا پروگرام اٹی داخلہ ہلنگ کن انٹری ٹیسٹ و انٹرویو درواڈ ہلک ہراٹی 110اومیت دارآک بشخ ہلکر۔ گوادر کیمپس انا اولیکو بیچ اٹی بی بی اے، بی ایڈ آنرز، اے ڈی ای، بی ایس آئی ٹی و بی کام پروگرام اٹی داخلہ ہلنگ نا خواہش مند اومیت دارآتا انٹری ٹیسٹ و انٹرویو درو پنچ شنبے آ گوادر کیمپس اٹی اڈ ہلک۔
سرسہب اومیت دار آتا اولیکو میرٹ لسٹ گوادر کیمپس نا نوٹس بورڈ آخلنگانے۔ سرسہب اومیت دارآتے پارت کننگانے کہ او 14جنوری 2017اسکان داخلہ فیس ءِ حبیب بینک تربت برانچ یاگوادر برانچ اٹی یونیورسٹی نا اکاؤنٹ نمبر1040-7900-25001اٹی جمع کرسا چالان نا کاپی اس گوادر کیمپس انا شعبہ داخلہ ٹی جمع کرفیر۔ چالان فارم مکران اٹی حبیب بینک نا برانچ، یونیورسٹی نا سٹی کیمپس تربت و گوادر کیمپس اٹی دوئی کننگ مریک۔ کلاس آک 16جنوری آن بناء کیرہ۔ مستی سرجم آتے کن دا نمبر آتیا 0321-8090604/03216193971کننگ مریک۔
