اسلام آباد(پاکستان پوائنٹ نیوز۔26 جولائی۔2016) چیئرمین سینیٹ میاں رضا ربانی ایشیائی ملک آتیا زورشاغانے کہ او ڈیہہ ٹی امن و سوگوی کن تینا اختلافات و تنازعہ غاتے ایسر کیر۔ او سے شنبے آ داڑے بناء کروک آ ایشیائی پارلیمانی اسمبلی نا اقتصادی و سوگو شون نا کمیٹی نا افتتاحی دیوان آن تران کریکہ۔ چیئرمین سینیٹ پارے کہ ایشیاءِ کثیر الجہتی چیلنج آتا مون تروکی ءِ و وخت بسنے کہ ڈیہہ نا غٹ ملک آک تینا تہہ ٹی اتحاد ودی کیر و تینا الس ءِ نیزگار و جہالت آن نجات ترفنگ کن اواری اٹ کاریم کیر۔
اوپارے کہ مون آ بروک ایشیاء نا بھلا ہدف نا دوئی کن گام گیج آتے ترند کروئی مرے۔ رضاربانی پارے کہ جموں و کشمیر و فلسطین نا دیرینہ تنازعہ غاتے ایسر کننگ نا گرج ءِ۔ دیوان نا بناء ٹی مچ آ دنیا ٹی دہشت گردی نا کارروائی تیٹی تپاخت مروک آتا یات اٹی اسہ منٹ نا خاموشی اختیار کننگا۔
