اسلام آباد(پاکستان نیوز پوائنٹ 05جنوری2016ء) گدرینگوک آ سال 2016ء ٹی 3لکھ 82ہزار رجسٹرڈ اوغان مہاجر وطن آ پدی ہنار۔ یخ انا سوب اوغان مہاجر آتا پدی ہِننگ نا عمل ءِ 28 فروری 2017ء اسکان پد بٹنگانے۔ یو این ایچ سی آر نا نمائندہ پنچ شنبے آ اے پی پی تون خصوصی ہیت وگپ کرسا پارے کہ یخ انا موسم نا سوب اوغان مہاجر آتا پدی ہِننگ نا عمل 28 فروری 2017ء اسکان پد بٹنگانے ولے دُوارہ پدی ہِننگ نا عمل نا بناء یکم مارچ 2017ء آن بناء کیک۔
اوپارے کہ گدرینگوک آ سال 2016ء ٹی 3لکھ 82ہزار رجسٹرڈ اوغان مہاجر پدی اوغانستان آ رسینگانو۔ 2014-15ء نا نسبت 2016ء ٹی وطن آ پدی ہِننگ نا عمل نا رفتار زیات مس۔ اوپارے کہ پدی ہنوک آ رجسٹرڈ اوغان مہاجر آتے یو این ایچ سی آر نا کنڈآن فی کس 400 ڈالر تننگانے۔ اوپارے کہ رجسٹرڈ اوغان مہاجر آتے پاکستان اٹی اڈکننگ نا وخت غٹ حق آک دوئی ءُ اگہ اوفتے دشواری اس مرے تو او یو این ایچ سی آر تون رابطہ کننگ کیرہ۔
