راولپنڈی (پاکستان پوائنٹ نیوز۔26 جولائی۔2016) چیف آف آرمی سٹاف جنرل راحیل شریفءَ قاہرہ ءَ مصر ءِ صدر عبدالفتاح السیسی ءَ گوں گندء ُ نند کتگ۔ گندء ُ نندءِ تہا آئی ءَ دمگی سلامتی ءِ جاورھال ء ُ گیش بوتگیں جیڑھ ء ُ جنجالانی سرءَ ھیالء ُ لیکہ ءِ درشانی کتگ۔ آئی ایس پی آر ءِ ڈی جی لیفٹیننٹ جنرل عاصم سلیم باجوہ ءِ ٹویٹ ءِ تہا گشگ بوتگ کہ گندء ُ نندءِ تہا مصر ءِ صدر عبدالفتاح السیسی ء َ دمگی سلامتی ء ُ ناشرکاری ءِ ھلاپ ءَ پاک فوج ءِ کوشستاناں ساڑاتگ۔
آرمی چیف ءَ مسلم امہ ءِ سرءَ زور پِر داتگ کہ آ ناشرکاریءِ ھلاس کنگءِ ھاترءَ یک جاھ بہ بنت ء ُ وتی کردءَ پیلو بہ کن اَت۔ ایشی ءَ چہ پیسر آرمی چیف جنرل راحیل شریف ءَ جامعہ الازہر یونیورسٹی ءِ سروک شیخ الازہر ءَ گوں گندء ُ نند کتگ ۔ آئی ءَ ناشرکاری ءِ ھلاپ ءِ جنگءَ پاکستان ءِ کوشستاناں ساڑاتگ۔
