ڈیرہ مراد جمالی(پاکستان نیوز پوائنٹ 04جنوری2016ء) نصیر آباد نا تحصیل چھتر نا علاقہ ٹی تخریب کاری نا کوشست بے سہب، سیکورٹی فورس آک 10کلو وزنی بارودی سرنگ دوئی کرسا اوفتے ناکارہ جوڑ کریر ۔ سرکاری ذرائع نا رداٹ نصیر آباد نا تحصیل چھتر نا علاقہ طاہر کوٹ اٹی نادرست تخریب کارآک روڈاٹی بارودی سرنگ تخسا تخریب کاری نا ڈٹ اس جوڑ کریر سیکورٹی فورس آک بارودی سرنگ نا احوال ملنگ آ دمدستی وڑاٹ جاگہ غا سرمسر بمب ڈسپوزل اسکواڈ نا ٹیم ءِ بٹنگار بی ڈی ٹیم داکان پد جاگہ غا سرمرسا بارودی سرنگ ءِ ناکارہ جوڑ کریر بی ڈی ٹیم نا رداٹ بارودی سرنگ دہ کلو وزنی ئس و تخریب کار آک تینا ڈٹ اٹی بے سہب مسر تخریب کار آک سیکورٹی فورس و علاقہ نا خلقت آتے نشانہ جوڑ کننگ خوائسرہ داکان بیدس گدرینگوک آ اِرا دے مست چھتر نا علاقہ ٹی اِرا بارودی سرنگ نا دھماکہ مس ہراٹی 10بندغ ٹھپی مسر و تدوک آ دے سیکورٹی فورس آک تخریب کاری نا ڈٹ ءِ بے سہب جوڑ کرسا اِرا بارودی سرنگ دوئی کرسا اوفتے ناکارہ جوڑ کریر۔
