اسلام آباد(پاکستان نیوز پوائنٹ 04جنوری2016ء) فاٹا نا 9ہزار 454بے اُرا بندغ آتیٹی ہند آتا معاوضہ غاتا ادائیگی کن 3ارب 78کروڑ، 40لکھ روپئی بشخ وپانٹ کننگا۔ فاٹا ٹی پوسکن جوڑجاڑ و بحالی یونٹ نا کمامدارآتارداٹ آپریشن ضرب عضب اٹی زہمی مروک آ فاٹا نا بے اُرا بندغ آتیٹی ہند آتامعاوضہ نا بشخ وپانٹ نا چرجوئی برجاءِ ہرافتے ٹی سویلی وزیرستان نا 5ہزار 485 ہند پوروی وڑاٹ بھس وخت اس کہ 1ہزار 640ہند آتے جزوی وڑاٹ زہمی مسر ہنداوڑ قطبی وزیرستان نا 389ہند پوروی وڑاٹ بھس وخت اس کہ 1ہزار 130 ہند جزوی وڑاٹ زہمی مسر، اورکزئی ایجنسی نا 124ہند پوروی وڑاٹ بھس وخت اس کہ 49ہند جزوی وڑاٹ زہمی مسر۔
خیبر ایجنسی نا 249و کرم ایجنسی نا 288ہند پوروی وڑاٹ بھس مسنو۔ فاٹا کمامدارآتارداٹ فاٹا نا 9ہزار 454بے اُرا بندغ آتیٹی داوخت اسکان 3ارب 78کروڑ 40لکھ روپئی ہند آتا معاوضہ بشخ وپانٹ کننگانے۔ کمامدارآتارداٹ آپریشن ضرب عضب اٹی زہمی مروک آ غٹ بے اُرا بندغ آتے ہند آتا معاوضہ ادا کننگک۔
