اسلام آباد(پاکستان نیوز پوائنٹ 04جنوری2016ء) بنجائی وزیر مذہبی امور سردار محمد یوسف تون چارشنبے آ داڑے یورپین پارلیمنٹ نا باسک راجہ محمد افضل اوڑدہی کرے ہراٹی ہڑتوم آ کنڈآتا تعلقداری تتون اوار تین پہ تینی است خواہی نا معاملہ غاتیا خیال آتا درشانی ءِ کننگا۔ داوخت آ سردارمحمد یوسف ہیت وگپ کرسا پارے کہ پاکستان اٹی غٹ مذہب آتے پورو آجوئی دوئی ءِ، یورپ اٹی دامعاملہ ءِ تالان کننگ نا گرج ءِ۔
اوپارے کہ کشمیرنا ویل ءِ ہم ہر فورم آ چست کننگ نا گرج ءِ۔ کشمیری تا قربانیک گم مفسہ۔ پاکستان نا حکومت و الس کشمیری تتون تفوک ءُ۔ یورپی پارلیمنٹ نا باسک راجہ محمد افضل پارے کہ یورپی یونین ہرفورم آ کشمیر نا ویل ءِ چست کننگ ءِ ہرانا سوب کشمیر نا ویل ءِ جہانی کہول آ بھاز سوگوی ملانے۔ اوپارے کہ پاکستان بین المذاہب ہم آہنگی آ بھلو کاریم اس کرینے۔ اوپارے کہ ہڑتوم آ ملک آتا ڈل آتا درشانی آن ہم الس اسہ ایلو نا خڑک بریرہ ہراڑآن پین جوانی بریک۔ اوداوخت آ بنجائی مذہبی امور ءِ سلہ خلک کہ غٹ مذہب آتا نمائندہ غاتے ہرفسا یورپی یونین آ برے۔
