ایران، چین و روس اتون ننا تعلقداریک گچین مننگ ءُدشمنی نا رویہ غان بھارت نا ہی زیان نسخان مریک، وزیر مملکت داخلہ

ایران، چین و روس اتون ننا تعلقداریک گچین مننگ ءُدشمنی نا رویہ غان بھارت نا ہی زیان نسخان مریک، وزیر مملکت داخلہ

اسلام آباد(پاکستان نیوز پوائنٹ 04جنوری2016ء) وزیر مملکت داخلہ بلیغ الرحمان پارینے کہ بھارت دشمنی والا رویہ ءِ تینا کرینے و اودے ہی زیات نسخان رسینگک۔ احوالکار آتون ہیت وگپ کرسا اوپارے کہ مچ آ دنیا نا حالیت آک امر کہ مریر اونا باوجود پاکستان ءِ اہمیت نا نظر اٹ ہُننگ انگ ءِ، ڈیہہ تون اوار دے ٹکی نیامی ٹی جاری دہشت گردی و لاکانودیت خننگ انگ ءِ و پاکستان ءِ کانود آ عملداری ٹی اولین درجہ دوئی ءِ۔

وزیر مملکت پارے کہ پاکستان اٹی سیکورٹی فورس آک شدت پسندی ءِ چٹفسا دہشت گردآتا مخ انا ملی ءِ پرغانو، ملکی حالیت آک پدریسہ گچین نا کنڈا مون آ ہِننگ ءُ و ملکی معیشت اٹی عروج نا کنڈا روان ءِ۔ اوپارے کہ وزیراعظم محمد نواز شریف نا صفا پالیسی ءِ کہ ڈیہہ ٹی ہمسایہ ملک آتون اوار ڈیہہ و مچ آ دنیا تون گچین تعلقداری استوار کننگے، پاکستان ہچ گہس تون دشمنی نا قائل اف، بلیغ الرحمان پارے کہ پاکستان نا ایران، چین و روس اتون تعلقداری مست انا نسبت گچین مننگ ءِ و بیرہ بھارت دشمنی نا رویہ ءِ تینا کرینے و اودے داہیت سمجھ بفننگ ءِ کہ دشمنی آن زیات نسخان اودے ہی رسینگک۔

مقبوضہ کشمیر نا بابت چست کروک آ سوج انا ورندی ءِ ترسا اوپارے کہ پاکستان کشمیری تا سیاسی ، اخلاقی و سفارتی مخ تفی ءِ برجاتخک وداڑتون اوار اوار بھارت آن اومیت کیک کہ او ہم اوفتا انسانی حق انا خیال تخک۔