اسلام آباد(پاکستان نیوز پوائنٹ 04جنوری2016ء) وزیراعظم محمد نواز شریف گیس صارف آتے زیات آن زیات آسودہی تننگ نا پارت کرینے۔ اوداہیت ءِ چارشنبے آ داڑے بنجائی وزیر پٹرولیم و قدرتی وسیلہ شاہد خاقان عباسی تون ہیت وگپ کرسا پارے ہراوزیراعظم ہاؤس اٹی اوڑتون اوڑدہی کرے۔ بنجائی وزیر پٹرولیم و قدرتی وسیلہ وزیراعظم ءِ وزارت پٹرولیم نا برجاء ڈٹ جاٹ و خاص کر ملک اٹی تیل و گیس انا پٹنگ نا بشخ اٹی چست کروک آ جتا گام گیج بارواٹی معلومدار کرے۔
وزیراعظم ءِ ایل این جی نا درآمد آ پیش رفت و کیہی بشخ آتے ایندھن نا فراوانی کن گام گیج آتا بارواٹی ہم پاننگا۔ وزیراعظم بنجائی وزیر ءِ پارت کرے کہ او داہیت ءِ المی جوڑ کے کہ گیس صارف آتے زیات آن زیات آسودہی ملے اوتوانائی ڈٹ جاٹ آتا بابت تین پہ تینی رابطہ غاتے ودفنگ ناہم پارت کرے۔
