کٹیل فارم اٹی سم کاری آن اسہ بندغ اس تپاخت کرے

جعفرآباد (پاکستان نیوز پوائنٹ 03جنوری2016ء) جعفرآباد نا علاقہ کٹیل فارم اٹی متکن ءُ دشمنی اسے نا بناء آ سلہہ بند بندغ آک سم کاری کرسا اسہ بندغ اسے نا خون ءِ کریر و نرار۔ پولیس نا رداٹ جعفرآباد نا علاقہ کٹیل فارم پولیس تھانہ نا دنگ اٹی متکن ءُ دشمنی اسے نا بناء آ سلہہ بند بندغ آک سم کاری کرسا شعبان پنی ءُ بندغ اسے نا خون ءِ کریر و دوبہ دارآک نرار۔ پولیس لاش ءِ ہندی ہسپتال آ گدریفے ہراڑے المی کارروائی آن گڈ لاش ءِ اوفتا وارث آتا حوالہ کریر۔ پولیس علاقہ نا ناکہ بندی ءِ کرسا دوبہ دارآتا پٹنگ نا بناءِ کرے۔