ڈیرہ مراد جمالی(پاکستان نیوز پوائنٹ 03جنوری2016ء) تحصیل چھتر نا علاقہ فلیجی ٹی سیکورٹی فورس آک تخریک کاری نا کوشست ءِ بے سہب جوڑ کریر، ہفت کلو وزنی بارودی سرنگ دوئی کرسا بمب ڈسپوزل سکواڈ نا ٹیم اوفتے ناکارہ جوڑ کریر۔ سیکورٹی فورس آتا رداٹ نصیر آباد نا تحصیل چھتر نا علاقہ فلیجی ٹی گہرام خان نا نگیہ نا اُرا نا مون آ نادرست تخریب کارآک تخریب کاری نا غرض اٹ سڑک نا تہٹی بارودی سرنگ شاغار۔
احوال ملنگ آ سیکورٹی فورس آک بروخت رسینگسا بارودی سرنگ ءِ دوئی کرسا ناکارہ جوڑ کننگ کن بمب ڈسپوزل اسکواڈ ءِ بٹنگار۔ بمب ڈسپوزل سکواڈ نا ٹیم جاگہ غا سرمرسا بارودی ءِ ناکارہ جوڑ کریر۔ بمب ڈسپوزل سکواڈ نا رداٹ بارودی سرنگ نا وزن 5آن 7کلو وزن ئس۔ یات سلے کہ تدوک آ دے ہم بارودی سرنگ نا 2دھماکہ مسوسس ہراٹی 10 بندغ ہم ٹھپی مسوسر۔
