وزیر داخلہ چوہدری نثارعلی خان تون گلگت بلتستان نا ڈی جی اسکاؤٹس بریگیڈیئر اعجاز الرحمان نا اوڑدہی

اسلام آباد(پاکستان نیوز پوائنٹ 02جنوری2016ء) وزیر داخلہ چوہدری نثارعلی خان تون گلگت بلتستان نا ڈی جی اسکاؤٹس بریگیڈیئر اعجاز الرحمان دوشنبے آ اوڑدہی کرے۔ وزیر داخلہ اودے زمواری تا سنبھالنگ آ مبارکبادی تس۔ داوخت آ درشانِ خیال کرسا وزیر داخلہ ڈی جی بریگیڈیئر اعجاز الرحمان ءِ پارت کرے کہ بدلینگوک آ حالیت خاص کر سی پیک نا رداٹ پوسکن آ چیلنج آتون مون تننگ کن جی بی اسکاؤٹس نا تربیت و تیاری پوسکن آ وڑوڈول آتیا کننگے۔ جی بی اسکاؤٹس نا تاریخ قربانی و جوزہ حب الوطنی آن عبارت ءِ۔ وزیر داخلہ پارے کہ قطبی سیم تا رکھ و گلگت بلتستان اٹی امن و ایمنی نا اڈتننگ اٹی جی بی اسکاؤٹس نا خذمت آک ستاکڑزرہ۔