کوئٹہ، پنچ دے ئی انسداد پولیو مہم نا بناء، 4لکھ چناتے پولیو آن بچفنگ نا پڑی کنفنگک

کوئٹہ(پاکستان نیوز پوائنٹ 02جنوری2016ء) کوئٹہ ٹی انسداد پولیو نا 5دے ئی خصوصی مہم دوشنبے آن بناء کرے مہم اٹی 4لکھ آن زیات چناتے پولیو نا پڑی کنفنگک۔ ایمر جنسی آپریشن سینٹر نا کوارڈی نیٹر سید فیصل احمد پارے کہ کوئٹہ نا 39یونین کونسل آتیٹی انسداد پولیو مہم دوشنبے آ بناء کرینے ہراٹی 1345ٹیم بشخ ہلیرہ ہرافتے ٹی فکسڈ سائٹس 105، ٹرانزٹ پوائنٹ وخت اس کہ داکان بیدس 1ہزار آن زیات موبائل ٹیم بشخ ہلیرہ۔ اوپارے کہ مہم اٹی 4لکھ آن زیات چناتے پولیو آن بچفنگ نا پڑی کنفنگ نا ہدف ءِ مقرر کننگانے۔