بنجائی وزیر ڈٹ بندی و شون احسن اقبال نا کاٹن نا فصل انا بابت بڑزکو کہول نا دیوان آن تران

بنجائی وزیر ڈٹ بندی و شون احسن اقبال نا کاٹن نا فصل انا بابت بڑزکو کہول نا دیوان آن تران

اسلام آباد (پاکستان پوائنٹ نیوز۔26 جولائی۔2016) بنجائی وزیر ڈٹ بندی و شون احسن اقبال پارینے کہ کاٹن نا فصل پاکستان نا کشت وکشار اٹی مخ انا ملی نا حیثیت تخک و کاٹن نا فصل ءِ گچین کننگ کن پٹ وپول آ خاص توجوہ تروئی مریک۔ اوداہیت ءِ کاٹن نا فصل ءِ گچین کننگ کن بڑزکو کہول نادیوان نا کماشی ءِ کرساپارے۔ دیوان سے شنبے آ داڑے پلاننگ کمیشن اٹی اڈ ہلک۔

دیوان اٹی قومی و صوبائی عہدیدار آتون اوار غٹ اسٹیک ہولڈرز آک شرکت کریر۔ دیوان اٹی آخبت اٹی کاٹن نا فصل ءِ گچین کننگ کن کیہی صلاح غاتیا غور کننگا ۔ بنجائی وزیر احسن اقبال پارے کہ کاٹن نافصل پاکستان نا کشت و کشاراٹی مخ انا ملی نا حیثیت تخک ۔ کاٹن نا فصل ءِ گچین کننگ کن ریسرچ آ خاص توجوہ تروئی مریک۔ اوپارے کہ کاٹن نا گچین ورائٹی آن بیدس دابشخ اٹی شون مننگ کپک۔ اوپارے کہ کاٹن ناپیداوار نا ہدف آتے دوئی کروئی مریک۔ اوپارے کہ شارٹ ٹرم و لانگ ٹرم پروگرام جوڑ کننگ نا گرج ءِ۔ کاٹن نا تنکی ءِ مر کننگ کن المی ءِ کہ مچ آ ایکو سسٹم ءِ گچین کننگے۔