اسلام آباد۔(پاکستان پوائنٹ نیوز۔26 جولائی۔2016) دفاعی جاچکار لیفٹیننٹ جنرل (ر) رضامحمد خان پارینے کہ پاکستان اوغانستان اٹی سوگو امن نا خواہندار ءِ۔ ریڈیو پاکستان تون ہیت وگپ کرسا اوپارے کہ داہیت اٹی ہچ گہس ءِ شک کروئی مف کہ پاکستان اوغانستان اٹی سوگو امن نا خواہندار ءِ۔ اوپارے کہ اودے کابل اٹی دہشت گرد جلہو و قیمتی جان تا زیان آ بے کچ ڈکھ و افسوز ءِ۔
اوپارے کہ اوغانستان اٹی امن نا اڈتننگ کن ہڑتوم آملک آتا حکومت آتے اواری اٹ کاریم کننگ نا گرج ءِ۔ لیفٹیننٹ جنرل رضا محمد خان پارے کہ پاکستان اٹی رہینگوک آ گڑاس اوغان مہاجر آک ڈوہ تے ٹی اوڑدہ ءُ۔ اوپارے کہ پاکستان آن اوغان مہاجر آتا پرامن وڑاٹ کشنگ بے کچ المی ءِ۔ ملامنصور نا بابت آن چست کروک آ سوج انا ورندی ءِ ترسا اوپارے کہ اونا تپاخت آن اوغانستان اٹی امن نا اڈتننگ کن کروک آکوشست آتے نسخان رسینگانے۔
