پی آئی اے 14اگست آن پریمئر سروس نا بناءِ کیک

پی آئی اے 14اگست آن پریمئر سروس نا بناءِ کیک

اسلام آباد (پاکستان پوائنٹ نیوز۔26 جولائی۔2016) پاکستان انٹرنیشنل ایئر لائن نا چیئرمین اعظم سہگل پارینے کہ پی آئی اے 14اگست آن پریمئر سروس نا بناءِ کیک۔ نجی ٹیلی ویژن نا رداٹ پاکستان انٹرنیشنل ایئر لائن نا چیئرمین اعظم سہگل پارینے کہ پی آئی اے نا کنڈآن 14اگست آ بناء کروک آ پوسکنا پریمئرسروس آن مسافر آتے سفر نا گچین آسراتی دو بریک۔ اوپارے کہ پی آئی اے نا مسافر آتے عملہ خاص کر کیبن نا عملہ آن غاو مریک ہرانا ازالہ کن اوفک عملہ نا مسہ ہفتہ نا تربیت نا بست و بند ءِ کرینے۔ خصوصی تربیت کن سری لنکا آن چاہندارآتا اسہ ٹیم اس کراچی ٹی تربیت فراوان کیک۔ اومستی پارے کہ ہنداسروس کن 4پوسکن ءُ جہاز ویٹ لیز آ دوئی کننگ انگ ءِ۔