اسلام آباد (پاکستان پوائنٹ نیوز۔26 جولائی۔2016) سینیٹ نا قائمہ کمیٹی دفاعی پیداوار نا چیئرمین لیفٹیننٹ جنرل(ر) عبدالقیوم فرانس اٹی دہشت گردی نا ساڑی آ واقعہ غاتا مذمت ءِ کرینے۔ سے شنبے آ لیفٹیننٹ جنرل (ر) عبدالقیوم فرانس نا سفارت خانہ نا دورہ، فرانسیسی سفیر تون اوڑدہی کرے و زہمی خاہوت آتون ہمدردی و ڈکھ انا درشانی ءِ کرے۔ اوپارے کہ پاکستان ڈکھ انا داساہت اٹی بریبر نا شریک ءِ و زہمی خاہوت آتون ہڑزخواہی نا درشانی ءِ کیک۔
اوپارے کہ دہشت گردی اسہ اسیجاءُ دژمن اسے ہرانا چٹفنگ کن اواری اٹ کوشست کروئی مریک۔ اوکان گڈ اوسفارت خانہ ٹی تخوک آ ہڑزخواہی کتاب نا فرانس پاکستان پارلیمنٹرین فرینڈز گروپ نا کارنر اآ تینا تاثرات آتے نوشتہ کرے ہراٹی فرانس اٹی ساڑی آ دہشت گردی نا واقعہ غاتا مذمت ءِ کننگا۔
