کوئٹہ (پاکستان پوائنٹ نیوز۔26 جولائی۔2016) اسپیکر بلوچستان اسمبلی گودی راحیلہ حمید خان درانی پارینے کہ قیمتی خل تا کاروبار بین الاقوامی معیشت اٹی ارب آ ڈالر تا کچ تخک اوپارے کہ قیمتی خل و زیور آتا ڈیزائننگ بناوٹ و اونا درآمد و برآمد آن بابت کاروبار ءِ مون آ دننگ آن نن لکھ آ بے روزگار ورناتے روزگار تننگ کینہ۔ اوپارے کہ خاص کر نیاڑی تا بھلو کچ اس اُراتے ٹی تولوک زیور آتا ڈیزائننگ نا کاریم آن باشرف روزگار دوئی کننگ کیرہ اوپاکستان جیمز اینڈ جیولری ڈویلپمنٹ کمپنی بنجائی وزارت پیداوار نا کنڈآن سرٹیفیکیٹس آتا بشخ و پانٹ نا بابت اسہ دود اسے آن تران کریکہ۔
دادوداٹی ایلو اہم شخصیت ، بشمول چیئرمین پاکستان جیمز اینڈ جیولری ڈویلپمنٹ کمپنی عبدالرزاق، چیف ایگزیکٹو آفیسر پی جی جے ڈی سی بختیارخان، وائس چانسلر سردار بہادر خان وومن یونیورسٹی گودی ر خسانہ جبین، باسک بلوچستان اسمبلی گودی معصومہ حیات ، پرنسپل پاکستان جیمز اینڈ جیولری ٹریننگ اینڈ مینو فیکچرنگ سینٹر کوئٹہ سید بشیر آغا، سینئر جیمالوجسٹ جلیل احمد بڑیچ، چیئرپرسن بلوچستان وومن بزنس ایسوسی ایشن گودی ثناء درانی، چیئرمین جیالوجی ڈیپارٹمنٹ یونیورسٹی آف بلوچستان ایوب بلوچ، نیوٹیک نا افسران شاہد بلال و ایوب سمالانی، صرافہ ایسوسی ایشن کوئٹہ نا صدر احسان دوتانی، سمیڈا نا صوبائی ڈائریکٹر عبدالشکور بلوچ، ٹریڈ ٹیسٹنگ بورڈ انا آفیسر تاج محمد، انجمن تاجران بلوچستان نا کسرشون سید تاج آغا و عبدالرحیم کاکڑ و طالب علم آتا بھلو کچ اسے ٹی شرکت کریر۔
اسپیکر بلوچستان اسمبلی پارے کہ پاکستان خاص کر بلوچستان صوبہ قدرتی وسیلہ بشمول قیمتی خل تیان مالامال ءِ ۔ اوپارے کہ قیمتی خل و زیور آتا کاروبار ءِ مون آ دننگ آن نن روزگار ناہزار آ وارخواہی ودی کننگ کینہ۔ اوبنجائی حکومت آن خواست کرے کہ او بلوچستان اٹی قیمتی خل و زیور آتا کاروبار ءِ سرکاری کہول آ انڈسٹری نا درجہ ایتے و دابشخ ءِ سرکاری وڑاٹ او غٹ آسراتی تے ایتنگے ہرا انڈسٹری ءِ تننگک۔
اونیاڑی تیا زورشاغا کہ او پاکستان جیمز اینڈ جیولری ٹریننگ اینڈ مینوفیکچرنگ سینٹر اٹی جیولری ڈیزائننگ و قیمتی خل تا بابت تربیتی کورس دوئی کیر ہراڑآن او اُراٹی تولوک باعزت وڑاٹ تینا روزگار ءِ کٹنگ کیرہ۔ چیئرمین پی جی جے ڈی سی عبدالرزاق پارے کہ جیمز اینڈجیولری نا کاروبار اٹی بھاز بھلو اسکوپ اسے اوپارے کہ پاکستان جیمز اینڈ جیولری ٹریننگ اینڈ مینو فیکچرنگ سینٹر آن تینا تربیتی کورس ءِ پورو کننگ آن گڈ ورناتے نوکری نا پٹنگ نا گرج اف بلکن او چنکو زر اسے آن تینا ذاتی کاروبار نا بناءِ کننگ کیرہ۔
چیف ایگزیکٹو آفیسر پی جی جے ڈی سی بختیار خان پارے کہ بین الاقوامی کاروبار و معیشت اٹی قیمتی خل و زیور آتا کاروبار ءِ خاص ءُ حیثیت اس دوئی ءِ گڈ اٹی پی جی جے ٹی ایم سی کوئٹہ ٹی تینا تربیتی کورس ءِ پورو کروک آطالب علم آتا نیام اٹ سرٹیفیکیٹس بشخ و پانٹ کننگا۔
