پاک چین اقتصادی راہداری ءِ سرجمی ءَ زیات پائدگ بلوچستان ءَ بیت،

پاک چین اقتصادی راہداری ءِ روت ءَ یک انچ ءِ ہم بدلی نہ کرت انت، نیشنل یونیورسٹی آف ماڈرن لینگوئجز گوادرءَ چینی زبان ھیل دئیگ ءِ ھاتر ءَ وتی کیمپ جوڑ کنت قائد اعظم محمد علی جناں تحریک پاکستانءَ بلوچستان ءِ ھندی نو در بر آنی کرد ءُُ جوش ءُُ جبزگ ءَ باز آماچ ات، صدر مملکت ممنون حسین ءِ کوئٹہ ءَ قائد اعظم محمد علی جناح ءِ یوم ولادت ءِ پڑ ءَ اڈ بوؤکیں دیوان ءَ تران

پاک چین اقتصادی راہداری ءِ سرجمی ءَ زیات پائدگ بلوچستان ءَ بیت، 
پاک چین اقتصادی راہداری ءِ روت ءَ یک انچ ءِ ہم بدلی نہ کرت انت، نیشنل یونیورسٹی آف ماڈرن لینگوئجز گوادرءَ چینی زبان ھیل دئیگ ءِ ھاتر ءَ وتی کیمپ جوڑ کنت قائد اعظم محمد علی جناں تحریک پاکستانءَ بلوچستان ءِ ھندی نو در بر آنی کرد ءُُ جوش ءُُ جبزگ ءَ باز آماچ ات، صدر مملکت ممنون حسین ءِ کوئٹہ ءَ قائد اعظم محمد علی جناح ءِ یوم ولادت ءِ پڑ ءَ اڈ بوؤکیں دیوان ءَ تران

کوئٹہ(پاکستان نیوز پوائنٹ 27دسمبر2016ء) صدر مملکت ممنون حسین ءَ گشتگ انت کہ پاک چین اقتصادی راہداری سرجمی ءَ زیات پائدگ بلوچستان ءَ بیت۔ پاک چین اقتصادی راہداری ءِ روٹ ءَ یک انچ ءِ ہم بدلی نہ کرت انت۔ بلوچستان ءِ ھواری ءَ پاکستانءِ ھچ بہر ایشی ئِپائدگ ءَ محروم نہ بیت۔ ریاست ءُُ ملکی ادارگ بلوچستان ءِ ھواری ءَ درستیں ملک ءِ سلامتی ءُُ اجتماعی مفادات آنی رکھگ کنگ ءَ انت، قائد اعظم محمد علی جناح ءِ کوشست آں مسلمان آں پاکستانءِ نام ءَ جتا ملک رستگ۔

اے ھیال آنی درشانی آئی ءَ دو شمبے ءَ بانی پاکستان قائد اعظم محمد علی جناح ءِ یوم ولادت ءِ پڑءَ گورنر گِس کوئٹہ ءَ اڈ بوؤکیں دیوان ءَ تران کنگ ءَ کرتگ۔ اے موہ ءَ گورنر بلوچستان محمد خان اچکزئی، صوبائی وزیر، ڈاکٹر حامد خان اچکزئی، سردار رضا بڑیچ، عبدالرحیم زیارتوال، میر مجیب الرحمن محمد حسین ، سردار اسلم بزنجو ، میر سر فراز بگٹی ،س ردار صالح بھوتانی، نواب محمد خان شاہوانی، ایڈیشنل چیف سیکٹری منصوبہ بندی ءُُ دیمروی محمد داؤد بڑیچ، سیکرٹری خزانہ اکبر حسین درانی، صوبائی سیکرٹری لائیو اسٹاک، آئی جی ایف سی ندیم احمد انجم ، آئی جی پولیس بلوچستان احسن محبوب، سکول آنی نو دربر ءُُ کٹھمی مردم آنی مزنیں کساس شریدار ات انت۔

صدر پاکستان ممنون حسین ءَ گشتگ کہ قائد اعظم ءِ یوم ولادت ءِ سلسلہ ءَ کوئٹہ ءَ بوؤکیں دیوان ءَ بہر زورگ ءَ منی دلی وشی بوتگ انتءُُ اے منا تا دیر ءَ یات بہ بیت۔ مرچی کجام ھد ءَ زاھگ آنی شریں پر فارمنس سیل کنگ ءَ دلی وشی بوتگ ءُُ منی دِگہ یقین پختہ بوتگ کہ منی زاھگ آنی دست ءَ پاکستان ءِ باندات محفوظ انت۔ بابائے راج ءِ بلوچستان ءَ سیادی ءُُ بازیں موہ ءُُ آئی ءِ ادا آھگ ءَ تفصیل آنی باروا زانگ ءَ وشی بوتگ ۔

آئی ءَ گشتگ کہ قائد اعظم محمد علی جناں کوئٹہ، سبی، مستونگ، جھٹ پٹ ءُُ پشین ءِ ھواری ءَ لہتیں ھند آں ہم بازیں بار آتک آئی ءَ آئی ءِ بلوچستان ءِ گوں مہر ءِ درشانی بیت انت۔ ہمے وڑ ءَ آئی ءِ بھروسہی سنگت ءُُ دوست آنی باز مزنیں کساس بلوچستان ءِ لہتیں بہر آں تالان بوتگ ات انت آھاں تحریک پاکستان ءِ زمانگ ءَ وتی بے پناہ محنت ءَ اُلسی بیداری پیداک کرتگ۔

ہمے وجہ انت کہ 1946ءَ کوئٹہ ءِ بلدیاتی گچینکاری ءَ مخلوط وڑیں گچینکاری ءَ ابید مسلم لیگ ءَ درستیں نشست مزنیں اکثریت ءَ کٹتگ اے ھبر ءَ تحریک آجوئی ءَ نوکیں روح داتگ پرچاکہ مخلوط طرز گچینکاری ءَ یک گل ءِ اینکس مزنیں سر سوبی ءِ ھچ دومی مثال تاں اے وھدءَ دیما نہ آتکگ ات۔ ہمے وجہ انت کہ گچینکاری آسر رسگ ءَ پد قا ئد اعظم ءَ وش بوھگ ءَ گشتگ کہ ” ویلڈن بلوچستان“ ۔

آئی ءَ گشتگ کہ قائد اعظم محمد علی جناح تحریک پاکستان بلوچستان ءِ ھندی نو در بر آنی کرد ءُُ جوش ءُُ جبزگ ءَ باز آماچ ات۔ آئی ءَ گشتگ کہ بابائے راج ءَ 1945ءَ ملسمان ہند ءَ دست بندی کرتگ کہ شما منا چاندی ءِ تگولی بہ دئیت آجوئی ءِ جنگ جنئگ ءَ شمارا پاکستان بہ دئیاں، صدر مملکت ءَ گشتگ کہ بلوچستان ءُُ ایشی ءِ باندات ءِ باروا قائد اعظم ءِ بصیرت ءُُ دوریں اندازگ اے گپ ءَ جت کن ات کہ آئی ءَ وطن عزیز ءِ ایشی سرا بہار گوشہ ءِ باروا کجام امیت ءِ نشاندگی مرچی ءَ لگ بھگ 70سال دیما کرتگ انت آ مرچی حقیت جوڑ بوھگ ءَ دیما آتکگ انت ءُُ بلوچستان دیمروی ءُُ وشحالی ءِ نوکیں مزل ءِ نیمگ ءَ روان انت آئی ءَ پاک چین اقتصادی راہداری شرین کرد پیش داریت۔

اے سلسلہ ءَ من بلوچستان ءِ ڈگار ءَ اوشتاتگ ءَ اے واضح بہ کناں کہ پاک چین اقتصادیراہداری ءِ روٹ ءَ یک انچ ءِ ہم بدلی نہ بیت ءُُ اے گپءَ یقین بہ دیاں کہ بلوچستان ءَ نہ بلکں ملک ءِ ھچ ہم بہر ءَ اے راہداری ءِ پائدگ ءَ محروم نہ بیت۔ آئی ءَ گشتگ کہ منا یک بار ہمے گورنر گِسءَ اے گشگی ات کہ اگاں بلوچستان اقتصادی راہداری ءِ پائدگ ءَ محروم بیت انت گڑا پدا مارا اے راہداری ء ِھچ ضلورت نیست من مرچی ہم وتی اے بیان ءِ سرا اوں ءُُ دلگوش بہ بیت کہ ریاست ءُُ ریاستی ادارگ اقتصادی راہداری ءِ سلسلہ ءَ بلوچستان ءِ ھواری ءَ درستیں ملک ءِ مفاد آں رکھگ بیت۔

آئی ءَ گشتگ کہ اقتصادی راہداری ءِ ھواری ءَ دومی دیمروی منصوبہ آں یک وھد ءَ سرجم ءُُ ایشی ءِ پائدگ ءِ بروبر بہر ءُُ بانگ وطن عزیز ءِ قائد آنی ذمہ واری انت ءُُ آ وتی فریضہ یقینا درست وڑ ءَ ادا بہ کن انت بلے ایشی ءَ زیات بوھگ ءَ شمے ذمہ واری انت کہ صوبہ ءَ کجام امیت پیداک بوھگ ءَ انت وت ءَ ایشی ءَ پائدگ بوھگ ءِ ھاتر ءَ تیار بہ کن ات۔ صدر مملکت ءَ گشتگ کہ لہتیں وھد دیما من نیوٹیک ءَ پنت ءُُ شون کرتگ اوں کہ آ بلوچستان ءِ ورنا آں لہتیں پیشہ ھاس کن بحری تجربت ، جہاز رانی ءُُ دومی ہمگرنچ شعبہ آں ھیل کاری دئیگ ءِ ھاترءَ ھاسیں کوس تیار بہ کن ات تنکہ بلوچستانءِ ورنا آں روزگار ءِ زیات ءَ چہ زیات موہ بہ رسیت۔

سدر مملکتءَ گشتگ کہ من نیشنل یونیورسٹی آف ماڈرن لینگکوئجز ءَ پت ءُُ شون بہ کناں کہ آ گوادرء۔ چینی زبان ھیل دئیگ ءِ ھاترءَ وتی کیمپ جوڑ بہ کن انت۔ اے مکسد ءِ ھاتر ءَ من نمل ءَ ایوان صدر ءِ ھرچ ءُُ درچ کم کنگ ءَ یک زر ہم داتگ انت منا وشی انت کہ اے منصوبہ ءِ سرا ہم کار بندات بوتگ انت۔ صدر مملکت ءَ بلوچستانءَ امن ءُُ ایمنی ءِ ھوالہ ءَ بلوچستانءِ جاورال تسلا بخش نہ ات بلے حکومت پاکستان ءُُ نیشنل ایکشن پلان ءِ ردا بوؤکیں کارروائی آن دلبڈی ءِ آسر دیما آتکگ انت۔

ایشی ءَ دیما گورنر بلوچستان محمد خان اچکزئی ءَ گشتگ کہ قائد اعظم محمد علی جناح ءِ 140یوم ولادت ءِ پڑ ءَ مرچی ءِ دیوانءَ بہر زورگ منی ھاتر ءَ باعث فخر انت اہل بلوچستان ءِ گوں قائد اعظم محمد علی جناح ءِ مہر ءِ اندازگ اے گپ ءَ جت کن ات کہ خان آف قلات ءَ قاعظم محمد علی جناح ءُُ اائی ءِ گہار ءَ سہر ءَ تول کرتگ، آئی ءَ گشتگ کہ قائد اعظم محمد علی جناح ءَ وتی زند ءِ آھری روچ ہم زیارت ءَ گوازینتگ۔ قائد اعظم محمد علی جناح ءَ 14اگست 1947ءَ پاکستان ءِ نام ءِ سرا یک آزاد ءُُ وت واجہ ملک دگنیاءِ نقشہ ءَ جوڑ کرتگ ۔ دیوان ءَ نو در بر آں براھداری نغمہ پیش کرت انت ءُُ بلوچستان ءِ فنکار آں وتی فن ءِ شریں مظاہرہ کرت انت۔