اسلام آباد(پاکستان نیوز پوائنٹ 27دسمبر2016ء) الیکشن کمیشن عمران خان و جہانگیر ترین نا برخلاف نابودی نا ریفرنس نا سماعت ءِ 10جنوری اسکان ملتوی کرے۔ تحریک انصاف الیکشن کمیشن نا دائرہ اختیار ءِ چیلنج کننگ آن پد سپریم کورٹ نا فیصلہ اسکان سماعت ءِ ملتوی کننگ نا خواست کرے۔ الیکشن کمیشن جہانگیر ترین نا برخلاف ریفرنس و پٹیشن ءِ یکجا کننگ نا خواست ءِ مسترد کرے۔
سے شنبے آ الیکشن کمیشن اٹی چیف الیکشن کمشنر جسٹس (ر) سردار رضا نا کماشی ٹی لارجز بینچ تحریک انصاف نا سروک عمران خان نا برخلاف طلال چوہدری و ایلو وخت اس کہ جہانگیر ترین نا برخلاف محمد خان ڈاہا و ایلوفتا ریفرنس آتا سماعت مس۔ تحریک انصاف نا وکیل نعیم بخاری ساڑی ہلوکہ۔ مسلم لیگ (ن) نا باسک طلال چوہدری و ایلوفتا وکیل اکرم شیخ موقف اختیار کرے کہ عمران خان آنبار جہانگیر ترین نا برخلاف ریفرنس ءِ دُوارہ ملنگے ہراڑآ الیکشن کمیشن 10جنوری آن داڑآ دُوارہ شرہ کرفنگ نا فیصلہ کرے ۔
اکرم شیخ پارے کہ او جہانگیر ترین نا برخلاف پین دستاویزی شاہدی پیش کننگ خوائک۔ اوریفرنس و پٹیشن ءِ یکجا کننگ نا خواست کرے ولے الیکشن کمیشن اودے مسترد کرے۔ چیف الیکشن کمشنر جسٹس (ر)سردار رضا پارے کہ ریفرنس و پٹیشن نا وڑاٹی پرخ ءِ ہڑتوم آتے یکجا کننگ کپنہ اوپارے کہ لگک کہ نم غٹ سیاست کننگ ءُ ہچ گہس ءِ کانودی ٹک آتیٹی است خواہی اف۔ تحریک انصاف نا کنڈآن موقف اختیار کننگاکہ کمیشن نا مون آ صرف بنی گالہ ڈغار نا کیس ءِ۔ نیازی سروس آتا معاملہ ودکی وڑاٹ چست کننگانے کمیشن نا اختیار صرف ریفرنس اٹی خلوک آ دوبہ غاتسکان ءِ۔ الیکشن کمیشن سماعت ءِ 10 جنوری اسکان ملتوی کرے۔
