کوئٹہ، بروری روڈ آ ترند رفتاری نا سوب ڈمپر و رکشہ اس ڈوک لگار ، 3نیاڑی تپاخت ، 6بندغ ٹھپی

کوئٹہ (پاکستان پوائنٹ نیوز۔25 جولائی۔2016) کوئٹہ نا علاقہ بروری روڈ آ ترند رفتاری نا سو ب ڈمپر و رکشہ اس ڈوک لگار، 3نیاڑی تپاخت وخت اس کہ 6بندغ ٹھپی مسر۔ پولیس نا رداٹ دوشنبے آ کوئٹہ نا علاقہ بروری روڈ آ ڈمپر ورکشہ اس ڈوک لگار ہرانا نتیجہ ٹی مسہ نیاڑی تپاخت کریر وخت اس کہ 6بندغ ٹھپی مسر۔ پولیس جاگہ غا سرمرسا تپاخت کروک آ نیاڑی تے دمدستی وڑاٹ سول ہسپتال آ گدریفیر ہراڑے ٹھپی مروک آتے طبی امداد تننگ انگ ءِ۔ حادثہ ڈمپر نا بریک فیل مننگ نا سوب پیش بس۔ پولیس مستی جاست و پاست نا بناءِ کرینے۔