کوئٹہ (پاکستان پوائنٹ نیوز۔25 جولائی۔2016) فرنٹیئر کور بلوچستان نا کوئٹہ نا کیہی علاقہ غاتیٹی سرچ آپریشن ، 4شکبر بندغ دزگیر، بھلو کچ اسے ٹی سلہہ دوئی کریر۔ ترجمان ایف سی نا رداٹ دوشنبے نا دے فرنٹیئر کور بلوچستان و حساس ادارہ غاتا کوئٹہ نا علاقہ خروٹ آباد نا علاقہ کلی بنگلزئی ٹی سرچ آپریشن کرسا چار شکبر بندغ ءِ دزگیر کرسا اوفتا کوزہ غان اِرا ایس ایم جیز، 2پشٹول دوئی کرسا مستی جاست و پاست نا بناءِ کرینو۔
اوکان بیدس فرنٹیئر کور بلوچستان و حساس ادارہ غاک بلوچستان نا علاقہ ژوب اٹی کارروائی کرسا اِرا ڈوہدار بندغ آتے دزگیر کرسا اوفتا کوزہ آن منشیات دوئی کریر۔ ترجمان ایف سی بلوچستان نا رداٹ بلوچستان نا علاقہ ژوب شاراٹی کارروائی کرسا 2ڈوہدار بندغ آتے دزگیر کرسا اوفتا کوزہ آن منشیات دوئی کریر۔ فرنٹیئر کور بلوچستان دا چرجوئی ٹی مستی جاست و پاست نا بناءِ کرینے۔
