حب، درگاہ نورانی ءِ زائر آتے کن دُوارہ ملفنگا

اسلام آباد(پاکستان نیوز پوائنٹ 22دسمبر2016ء) حب اٹی درگاہ شاہ نورانی ءِ زائر آتے کن دُوارہ ملفنگا۔ نجی ٹی وی چینل نا رداٹ صوبہ بلوچستان نا علاقہ حب اٹی درگاہ شاہ نورانی آ 12نومبر آ مروک آ خودکش جلہو نا 40دے پد درگاہ ءِ زائر آتے کن دُوارہ ملفنگانے۔ کمامدارآتارداٹ درگاہ آ خودکش بمب جلہو آن گڈ غٹ جوڑجاڑی کاریم تے پورو کرسا آخبت کن سیکورٹی پلان اس ہم ترتیب تننگانے۔ درگاہ ءِ دُوارہ ملنگ آن گڈ سیکورٹی نا بست و بند رینجر نا حوالہ کننگانے و زائر آتے پورو پٹنگ آن گڈ مزار آ ہِننگ ناموکل تننگ انگ ءِ۔ یات سلے کہ درگاہ شاہ نورانی آ 12نومبر آ دھمال شاغنگاکہ کہ ہمووخت آ اسہ خودکش جلہو گیر اس تینے دھماکہ اٹ بھس کرے ہرانا نتیجہ ٹی زالبول آتون اوار کیہی بندغ تپاخت و ٹھپی مسوسر۔