آئی جی ایف سی میجر جنرل شیرافگن فرنٹیئر کور بلوچستان نا کمانڈ ءِ میجر جنرل ندیم احمد انجم نا حوالہ کرے

کوئٹہ(پاکستان نیوز پوائنٹ 22دسمبر2016ء) آئی جی ایف سی میجر جنرل شیرافگن فرنٹیئر کور بلوچستان نا کمانڈ ءِ میجر جنرل ندیم احمدانجم نا حوالہ کرینے۔ داچرجوئی ٹی پنچ شنبے آ ایف سی ہیڈکوارٹر اٹی اسہ سادہ و پروقاردود اس مس ہراٹی میجر جنرل شیرافگن فرنٹیئر کور بلوچستان نا افسرو ورناتیان سپاروکی تران کرے۔ اوایف سی نا شہید آتے خراج عقیدت پیش کرے و افسر و ورناتا بلوچستان نا امن و الس نا گچینی و شونداری ٹی کڑد ءِ خراج تحسین پیش کرے۔ میجر جنرل شیرافگن ایف سی بلوچستان نا کمانڈ ءِ جنرل ندیم احمد انجم نا حوالہ کرسا اوڑکن نیک است خواہی تا درشانی ءِ کرے۔ یات سلے کہ میجر جنرل شیرافگن ہندا تو ترقی کننگ آن گڈ کور کمانڈر بہاولپور تعینات مس۔