اسلام آباد (پاکستان پوائنٹ نیوز۔25 جولائی۔2016) اسلام آباد نا میئر شیخ انصر عزیز دوشنبے آ آئی جے پی روڈ انا جوڑ جاڑ و بحالی نا جوڑ جاڑی کاریم نا افتتاح ءِ کرے۔ ہفت کلو میٹر مرغن روڈ اس پنڈورہ آن جی ٹی روڈ اسکان جوڑ جاڑ کننگک۔ داڈٹ آ 16کروڑ روپئی خڑچ بریک ہرادے شش تواٹی پورو کننگک۔ داوخت آ میئر اسلام آباد شیخ انصر عزیز میڈیا تون ہیت وگپ کرسا پارے کہ آئی جے پی روڈ بھلو وخت اسے آن پِننگ نا گواچی ءِ ، داروڈآ ہردے ہزار آتاکچ اٹی گاڈیک گدرینگرہ ۔
اوپارے کہ ننے ٹرانسپورٹرآک ہم روڈانا بابت آن بھاز غاوکریسر۔ اوپارے کہ پیر ودھائی آ زوت انٹرچینج جوڑ جاڑ کننگک۔ شیخ انصر عزیز پارے کہ چنکو وخت اسے ٹی کارپوریشن فعال نظر بریک۔ پنوک آ روڈآتا ہم جوڑ جاڑ ءِ کینہ۔ دیر انا ویل ہم بروک آ دے تیٹی ایسر مریک۔
