جعفر آباد (پاکستان پوائنٹ نیوز۔25 جولائی۔2016) مسلم لیگ (ن) بلوچستان نا صوبائی کسرشون میر اسفند یارفائق جمالی پارینے کہ پی بی 26ایم پی اے نا شونداری فنڈ آن 4کروڑ 50 لکھ روپئی آن ڈیرہ اللہ یار شاراٹی پی سی سی روڈ جوڑ جاڑ مننگ ءِ ہراڑآن شار انا صفائی و زیبائی ٹی ودکی مریک، اوکان بیدس 32کمیونٹی ہال جوڑ جاڑ کننگک، الس نا شرحالی کن کوشست کننگ اُن۔
ننے الس مینڈیٹ تسنے ہنداخاطران نن الس نا خذمت آ یخین تخنہ۔ داخیال آتا درشانی ءِ او ڈیرہ اللہ یار اٹی پی بی 26نا ایم پی اے نا فنڈ آن جاری شونداری اسکیم آتا جاچ و زیر تعمیر و پورو مروک آ پی سی سی روڈآتا افتتاح نا وخت آ صحافی تتون ہیت وگپ کرسا کرے۔ داوخت آ جمالی ہاؤس نا ترجمان محمد حسین پتافی، مقدم عرض محمد گولہ، ضلعی زکواة چیئرمین میر عطاء اللہ خان، ضلع کونسل نصیر آباد نا وائس چیئرمین سردار زادہ خیبر بخش عمرانی ہم ساڑی ئس۔
میر اسفند یار جمالی پارے کہ ڈیرہ اللہ یار تون اوار پی بی 26اٹی جاری شونداری کاریم تیان سیاسی مخالفینک تغ آن تمانو اسہ وخت اسے آن اقتدار آ بڑزکو عہدہ غاتیا فائز مننگ نا باوجود علاقہ نا الس ءِ صرف تسلی ترسا تینا وخت ءِ پورو کریر، اوپارے کہ وزیراعلیٰ بلوچستان نواب ثناء اللہ خان زہری نا ذاتی است خواہی نا بدولت زوت اسے اٹ ڈیرہ اللہ یار کن 20کروڑ روپئی نا فنڈ میسر مریک ہراڑآن شار انا سیوریج روڈ و ایلو اہم ویل آتے ایسر کننگ اٹی کمک رسینگک۔
