وزیراعظم محمد نواز شریف 20 آن 22دسمبر اسکان بوسنیا ہرزیگووینا نا دورہ ءِ کیک

وزیراعظم محمد نواز شریف 20 آن 22دسمبر اسکان بوسنیا ہرزیگووینا نا دورہ ءِ کیک

اسلام آباد(پاکستان نیوز پوائنٹ 19دسمبر2016ء) وزیراعظم محمد نواز شریف 20 آن 22دسمبراسکان بوسنیا ہرزیگووینا نا دورہ ءِ کیک ہرانا سلہ ءِ اودے بوسنیا نا وزراء کونسل نا چیئرمین (وزیراعظم) ڈاکٹرڈینس زیویدوک خلکوسس۔ وزیراعظم محمدنواز شریف تینا ہم منصب تون ون آن ون اوڑدہی کیک ہراٹی تین پہ تینی است خواہی نا ہڑتوم آ کنڈآتا علاقائی و جہانی معاملہ غاتیا درشانِ خیال مریک۔

دفترخارجہ نا کنڈآن دوشنبے آ جاری بیان نا رداٹ ہڑتوم آ کنڈآک ڈل آتا کہول آ ہم مذاکرات کیرہ۔ ہڑتوم آ ملک آک سیاسی ، واپاری و اقتصادی تعلقداری رابطہ، بین الپارلیمانی رابطہ و دودوربیدہ ہی و تعلیمی رابطہ غاتا مون آ دننگ آ خصوصی توجوہ تخسا وسیع تر تین پہ تینی تعلقداری تا جاچ ءِ ہلیرہ۔ وزیراعظم نواز شریف بوسنیا نا پریذیڈنسی نا باسک آتیان بیدس پارلیمانی اسمبلی نا ایوان و ایوان بالا نا راہشون و باسک آتون ہم ملک۔ وزیراعظم بوسنیا ہرزیگووینا نا بزنس فورم آن تران کیک و فارن ٹریڈ چیمبر اینڈ فارن انویسٹمنٹ پروموشن ایجنسی نا باسک آتون ہم ملک۔