بلوچستان اٹی مسہ دے ئی انسداد پولیو مہم نا بناء، پنچ سال اسکان نا وئی نا 24لکھ 51ہزار 295چناتے پولیو آن بچفنگ نا ویکسین و وٹامن اے نا پڑی کنفنگ نا ہدف مقرر کننگانے، صوبائی سیکرٹری جان جوڑی نورالحق بلوچ

بلوچستان اٹی مسہ دے ئی انسداد پولیو مہم نا بناء، پنچ سال اسکان نا وئی نا 24لکھ 51ہزار 295چناتے پولیو آن بچفنگ نا ویکسین و وٹامن اے نا پڑی کنفنگ نا ہدف مقرر کننگانے، صوبائی سیکرٹری جان جوڑی نورالحق بلوچ

چمن(پاکستان نیوز پوائنٹ 19دسمبر2016ء) بلوچستان نا 30 ضلع غاتیٹی مسہ دے ئی انسداد پولیو مہم نا بناء، مسہ دے ئی انسداد پولیو مہم نا وخت پنچ سال اسکان نا وئی نا 24لکھ 51ہزار 295چناتے پولیو آن بچفنگ نا ویکسن ووٹامن اے نا پڑی کنفنگ نا ہدف ءِ مقرر کننگانے، انسداد پولیو مہم نا وخت 9 ہزار 287نا خڑک ٹیمک بشخ ہلیرہ۔ ہرافتے ٹی 8 ہزار 99 موبائل ٹیم، 815فکسڈ سائٹ و373ٹرانزٹ پوائنٹ اوار ءُ۔

داہیت ءِ صوبائی سیکرٹری جان جوڑی نورالحق بلوچ دوشنبے نا دے صحافی تتون ہیت وگپ کرسا پارے۔ اوپارے کہ صوبائی حکومت نا اولین اولیت معیاری و گچین جان جوڑی آسراتی تا شیفکو کہول اسکان رسینگ ءِ ، وزیراعلیٰ بلوچستان نواب ثناء اللہ خان زہری و صوبائی وزیر جان جوڑی رحمت صالح بلوچ نا عزم ءِ کہ بلوچستان نا الس ءِ جان جوڑی نا غٹ بنداوی آسراتی باآسانی دوئی مرے وخت اس کہ مر مر انگا علاقہ غاتیٹی شاری تے گچین طبی آسراتی تا فراوانی کن بھلو زراس خڑچ کننگ انگ ءِ۔ نورالحق بلوچ پارے کہ پولیو کون آ مہلک بیماری نا چٹفنگ کن ہر بندغ ءِ تینا کڑد ءِ ادا کروئی مرے السی کمکاری و سول سوسائٹی نا کوشست آتیان ہی بلوچستان ءِ پولیو فری صوبہ اس جوڑ کننگ مریک۔