دریاب سندھ اٹی گدو و سکھر بیراج نا ہند آ شیفکو درجہ نا جلاب

اسلام آباد (پاکستان پوائنٹ نیوز۔25 جولائی۔2016) دریاب سندھ اٹی گدو و سکھر بیراج نا ہند آ شیفکو درجہ نا جلاب ءِ۔ نجی ٹیلی ویژن نا فلڈ کنٹرول سینٹر نا بابت پارینے کہ دوشنبے نا سہب دریاب سندھ اٹی سکھر بیراج نا ہند آ دیر انا بننگ 2لکھ 14ہزار 350وخت اس کہ پیش تمنگ 1لکھ 58ہزار 555کیوسک ریکارڈ کننگانے۔ گدو بیراج اٹی دیر انا بننگ 2لکھ47ہزار 830وخت اس کہ پیش تمنگ 2لکھ 17ہزار 400کیوسک ریکارڈ کننگانے۔ کوٹری بیراج اٹی دیر انا بننگ 72ہزار و پیش تمنگ 36ہزار کیوسک ریکارڈ کننگا۔ دریاب سندھ اٹی چشمہ نا ہند آ دیر انا بننگ 2لکھ 64ہزار 243وخت اس کہ پیش تمنگ 2لکھ 39ہزار 923 کیوسک ریکارڈ کننگانے و داڑے شیفکو درجہ نا جلاب ءِ۔