ڈھاڈر ، موٹرسائیکل و ٹرک اس ڈوک لگار، موٹرسائیکل سوار تپاخت کرے، لیویز فورس

کوئٹہ (پاکستان پوائنٹ نیوز۔25 جولائی۔2016) ڈھاڈر نا علاقہ ٹی موٹرسائیکل و ٹرک اس ڈوک لگار، اسہ بندغ اس تپاخت کرے۔ لیویز نا رداٹ دوشنبے آ ڈھاڈر نا علاقہ لیویز تھانہ ڈھاڈر نا دنگ کوندلانی نا ہند آ موٹرسائیکل و ٹرک اس ڈوک لگار ہرانا نتیجہ ٹی کوئٹہ آن سبی آ ہنوک آ موٹرسائیکل سوار واحد بخش موقع غا ہی تپاخت کرے، ٹرک ڈیور نرا۔ لیویز ءِ احوال ملنگ تون جاگہ غا سرمرسا لاش ءِ دمدستی وڑاٹ ہندی ہسپتال آ گدریفیر ، لیویز فورس علاقہ ناناکہ بندی ءِ کرسا ٹرک ڈیور نا پٹنگ نا بناءِ کرینو۔