اسلام آباد (پاکستان پوائنٹ نیوز۔25 جولائی۔2016) بنجائی وزیر ڈٹ بندی و شون احسن اقبال پارینے کہ گوادر ایئر پورٹ و ایکسپریس وے نا افتتاح اینخو نا سال مریک ، غٹ آن اولیکو اقتصادی زون گوادراٹی جوڑ مریک، چین پاکستان اقتصادی راہداری اسہ روڈ اسینا پن اف بلکن پورو فریم ورک اسے ، 20می صدی ٹی سیاسی نظریات نا جنگ ئس وخت اس کہ 21می صدی اقتصادی نظریات نا جنگ ءِ۔
داخیال آتادرشانی ءِ او دوشنبے آ گوادر پریس کلب نا ڈل اتون اوڑدہی نا وخت آ کرے۔ بنجائی وزیر پارے کہ دسمبر 2016ء ٹی گوادر ءِ کل پاکستان تون لنک کننگ کن مسہ کسر دستیاب مریک۔ اوپارے کہ سی پیک نا غٹ آن زیات فائدہ گوادر و بلوچستان ءِ مریک۔ بنجائی وزیر پارے کہ گوادر اٹی ڈھانچہ آن بیدس ووکیشنل و ٹیکنیکل ادارہ ہم اڈ تننگک۔ احسن اقبال پارے کہ داسال ستمبر اٹی گوادر یونیورسٹی قائم کننگک، گوادر شارءِ صرف پوسکن بندرگاہ اس جوڑ کننگ پننگ ءِ بلکن اودے راجی و اقتصادی سرگرمی نا بنجاہم جوڑ کننگک۔
سی پیک پاکستان و چین نا سروک آتا وژن نا ملاپ ءِ۔ اوپارے کہ سی پیک نا رداٹ 46ارب ڈالر آن 35ارب ڈالر توانائی نا بشخ اٹی انوسٹ کننگ انگ ءِ۔ توانائی آن زیات بشخ سندھ وبلوچستان اٹ خلنگ انگ ءِ۔ احسن اقبال پارے کہ سی پیک آن ڈیہہ نا مسہ ارب خلقت آتے فائدہ رسینگک۔ اسہ سوج اسیا اوپارے کہ اورنج ٹرین لین ڈٹ حکومت پنجاب تینا بجٹ آن جوڑ کننگ ءِ۔ اومستی پارے کہ سی پیک ڈٹ آ غٹ دنیا نا نظر خلوک ءِ و مسکوہی ٹی پاکستان بھاز انگا وارخواہی تے زیان کرینے۔
