پاکستان ءَ وتی بقاء ءِ جنگ ءَ بے مثال قربانی پیش کنگءَ نا شرکار آنی مسک پُرشتگ

مزن وزیر محمد نواز شریف ءِ پشاور ءَ آرمی پبلک سکول ءِ سرا اُرش ءِ دومی سالروچ ءِ موہءَ راج ءِ نام ءَ کلہووھیل ءَ شہید ءُُ آماچ بوؤکیں نو در بر آنی ھاندان آں گوں دلی ہمدردی ءِ درشانی

پاکستان ءَ وتی بقاء ءِ جنگ ءَ بے مثال قربانی پیش کنگءَ نا شرکار آنی مسک پُرشتگ
مزن وزیر محمد نواز شریف ءِ پشاور ءَ آرمی پبلک سکول ءِ سرا اُرش ءِ دومی سالروچ ءِ موہءَ راج ءِ نام ءَ کلہووھیل ءَ شہید ءُُ آماچ بوؤکیں نو در بر آنی ھاندان آں گوں دلی ہمدردی ءِ درشانی

اسلام آباد(پاکستان نیوز پوائنٹ 16دسمبر2016ء) مزن وزیر محمد نواز شریف ءَ نا شرکاریءِ ھلاپ جنگ ءَ آھری انجام ءَ سر کنگ ءُُ آؤکیں نسل آنی ھاتر ءَ امن ءُُ محکم پاکستان ءَ یقینی جوڑ کنگءِ ازم ءِ درشانی کرتگ انت۔ پشاور ءَ آرمی پبلک سکول ءَ اُرش ءِ دومی سالروچ ءِ موہ ءَ جمعہ ءَ راج ءِ نام ءَ وتی کلہو ءَ مزن وزیر ءَ گشتگ کہ آرمی پبلک سکول ءِ وھیلءَ پد پاکستانی راج ءُُ سروک آں نا شرکار آنی ھلاپ بلا تفریق کارروائی ءِ واضح ءُُ دو ٹوک پیسلہ کرتگ ۔

مزن وزیر ءَ گشتگ کہ ماں پیسلہ کرتگ ات کہ چاگرد ءَ نا شرکاری ءُُ انتہا پسندی ءِ ھلاسی ءِ ھاتر ءَ سرجمیں کارروائی کنگ بیت ءُُ مئے معصوم فرشتہ آں شہید کنوک آں گوں ھچ رعایت کنگ مہ بیت۔ مزن وزیرءَ گشتگ کہ دگنیا ءَ سیل کرتگ کہ پاکستانءَ نا شرکار آنی نیٹ ورک ءَ ھلاس کرتگ ءُُ وتی بقاء ءِ جنگ ءَ بے مثال قربانی پیش کنگ ءَ نا شرکار آنی مسک ءَ پُرشتگ، مزن وزیر ءَ وھیل آرمی پبلک سکول ءَ شہید ءُُ آماچ بوؤکیں نو در بر آنی ھاندان آں گوں دلی ہمدردیءِ درشانی کرتگ۔

آئی ءَ گشتگ کہ آ پد منتگیں ھاندان آنی ڈکھ ءَ بروبر ءِ شریدار انت۔ درستیں پاکستانی راج اے وھیل ءِ درد ءَ محسوس کنت ءُُ پد منتگیں ھاندان آں گوں ھوار انت۔ آئی ءَ گشتگ کہ 16دسمبر مارا اے المناک وھیل ءِ یات دنت آئی ءَ نو در بر آں آھانی وانگ ءِ وھد ءَ بے دردی ءَ شہید کرت انت۔ آئیءَ گشتگ کہ اے آ روچ ات کجام وھد ءَ بے رحم دژمن ءَ بربریت ءِ مظاہرہ کرتگ ءُُ معصوم نو در بر آں وحشیانہ کارروائی ءِ نشانگ جوڑ کرتگ۔ آئی ءَ گشتگ کہ ماں اے روچ ءِ گم ءُُ درد ءَ ھچ بے ھال کرت نہ کن انت۔