بھارت ءَ منفی رویہ ءِ وجہ ءَ پاکستان ءِ گوں سیادی شر جوڑ کنگ ءِ بازیں شریں موہ گار کنت ، ترجمان دفتر خارجہ

بھارت ءَ منفی رویہ ءِ وجہ ءَ پاکستان ءِ گوں سیادی شر جوڑ کنگ ءِ بازیں شریں موہ گار کنت ، ترجمان دفتر خارجہ

اسلام آباد(پاکستان نیوز پوائنٹ 15دسمبر2016ء) دفتر خارجہ ءِ ترجمان نفیس ذکریا ءَ گشتگ بھارت ء وتی ھرابیں رویہءِ وجہ ءَ پاکستانءِ گوں سیادی شر جوڑ کنگءَ بازیں چیز گار کنت۔ ریڈیو پاکستان ءَ ھاسیں انٹرویو ءَ آئی ءَ گشتگ کہ بھارت ءِ گوں سیادی ءَ شری ءِ اے وھد ءَ امیت نیست کجام وھد ءَ آ وتی ھرابیں رویہ یل نہ دنت ءُُ معصوم کشمیری آنی سرا لٹ ءُُ کٹ بند نہ کرتگ، آئی ء َ اے گپ ءِ سرا ہما پسوزے ءِ درشانی کرتگ کہ بھارت ءَ وتی ھرابیں رویہ ءِ درشانی سارک کانفرنس ءُُ نوںءَ چہ بوؤکیں برکس ءُُ ہارٹ آف ایشیا کانفرنس ءَ سبو تاژ کنگ ءَ ہم کرتگ انت۔

بھارتی وتی بیان آں کمشیری آنی جہد ءِ تحریک ءَ نا شرکاریءِ نام کرتگ انت کہ آ سراسر گلط انت اے معصوم کشمیری آں آجوئی ءِ جہد انت آئی ءِ ھاتر ءَ آ مسلسل ہفت دہائی آنی جہد کنگ ءَ انت۔ آئی ءَ گشتگ کہ پاکستان ءِ نیمگءَ سرجمی ءَ سفارت کاری ءِ وجہء َ اقوام متحدہ ، او آئی سی ءُُ انسانی حقوق ءِ میاں استمانی ادارگ آں مقبوضہ کشمیر ءَ انسانی حقوق ءِ مزنیں کساس ءَ ھلاپ ورزی ءِ سرا ھترہ ءِ درشانی کرتگ ءُُ ہیومن رائٹس کمیشن ءُُ او آئی ءَ اے معاملہ ءِ غیر جانبدارانہ پٹ ءُُ پول ءِ لوٹ کرتگ انت۔ آئی ءَ گشتگ کہ خطہ ءَ امن ءِ ھاترءَ مسئلہ کشمیر ءِ ھل باز المی انت۔