اسلام آباد(پاکستان نیوز پوائنٹ 15دسمبر2016ء) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام تیٹی فنانس وکامرس ڈویژن نا شونداری ڈٹ آتے کن 1ارب24کروڑ 14لکھ روپئی آن زیات نا فنڈ جاری کرینے۔ حکومت اینخو مالی سال نا سرکاری بشخ انا شونداری کاریم تے کن دا ہڑتوم آ ڈویژن تے کن 10ارب 23کروڑ روپئی آن زیات نا فنڈ جاری کرینے۔
پلاننگ کمیشن نا جاری کروک حساب وکتاب نا رداٹ حکومت لاہور اٹی پاکستان فیشن ڈیزائن و ٹریننگ اسکول کن 7کروڑ 87لکھ، سی ڈی این ایس پروجیکٹ کن 10کروڑ، فنانس ڈویژن اٹی ادارہ جاتی اصلاحات کن 1کروڑ 84لکھ، مکران کوسٹل ہائی وے کن 2کروڑ، کوئٹہ ٹی فلائی اوور نا جوڑ جاڑ کن 16کروڑ، گوادر ڈویلپمنٹ اتھارٹی کن 20کروڑ روپئی تون اوار کیہی شونداری ڈٹ آتے کن فنڈ جاری کرینے۔
