ساڑی آ حکومت زالبول ، اقلیت و چناتتون اوار غٹ شاری تا حق انا رکھ انا عزم ءِ کرینے، کامران مائیکل

اسلام آباد(پاکستان نیوز پوائنٹ 15دسمبر2016ء) بنجائی وزیر انسانی حق سینیٹر کامران مائیکل پارینے کہ ساڑی آ حکومت زالبول، اقلیت و چناتتون اوار غٹ شاری تا حق انا رکھ انا عزم ءِ کرینے و صوبائی حکومت آتون اوار گلگت بلتستان و آزاد جموں و کشمیر نا حکومت آتا اواری اٹ انسانی حق انا جہانی کنونشن آتیا عملدرآمد کن کوشست آک برجاءُ۔ پنچ شنبے آ اسہ بیان اسے ٹی اوپارے کہ پارلیمنٹ زالبول، چناو اقلیت آتا انسانی حق انا رکھ اکن بھلو اہم کانود سازی اس کرینے۔ اوپارے کہ داوخت آ ہم اقلیت آتا حق انا رکھ و انسانی حق انا پاسداری نا مون آ دننگ کن کانود سازی نا رداٹ کاریم جاری ءِ۔ اوپارے کہ پاکستان اٹی غیرت نا پن آ خون انا گندہ انگا گام انا چٹفنگ کن کانود اٹی ساڑی سقم ءِ چٹفنگانے۔