اسلام آباد(پاکستان نیوز پوائنٹ 9دسمبر2016ء) صدر مملکت ممنون حسینءَ گشتگ انت کہ انتظامی ادارگ بلا امتیاز ءُُ بنیاتی پرض سمجھگ ءَ بد عنوانی ءِ ھلاسی ءِ ھاتر ءَ گام گیج بہ کن انت گڑا وطن عزیز ءَ باز زوت اے لعنت ءَ جان چٹھیت مارا اللہ تعالیٰ ءِ وشنودی ءُُ جہاد سمجھگ ءَ بد عنوانی ءِ ھلاسی ءِ ھاتر ءَ کار کنگ بیت۔ کرپشن ءِ ھلاسی ءِ ھاترءَ درستیں راج رضا کارانہ ادا بہ کنت ءُُ چاگرد ءَ انچیں سیاہ روبا ءِ نشاندگی بہ کن انت کہ آ انچیں ترندی ءَ ہمگرنچ انت، صدر مملکت ءَ اے گپ ایوان صدر ءَ انسداد بد عنوانی ءِ میاں استمانی روچ ءِ موہ ءَ دیوان ءَ تران کنگءَ کرتگ آئی ءَ بنجاہی وزیر برائے قانود ءُُ انساپ زاہد حامد، چیئر مین بنجاہی احتساب بیورو قمر زمان چوہدری ءُُ گورنر اسٹیٹ بینک اشرف محمود وتھرا ءَ ابید در ملکی سفیر ءُُ معزز مہمان آنی یک مزنیں کساس ءَ بہر زرتگ ات۔
صدر مملکت ءَ گشتگ کہ مئے چاگرد ءِ ھراب بوھگ ءِ اصل وجہ بد عنوانی ءُُ وت واجہی ءِ گلط کار مرز انت۔ بد عنوانی یک انچیں نا سور انت آئی ءَ چاگرد ءِ یک مزنیں طبقہ محرومی ءِ آماچ بیت انت۔ آئی ءَ گشتگ کہ پاکستانءِ ھواری ءَ دگنیا ءِ لہتیں چاگرد آن بد عنوانی ءِ سجیں ذمہ واری اہل اقتدار ءُُ اہل وت واجہی ءِ سرا مان کننگ درست نہ انت۔ صدر مملکت ءَ گشتگ کہ یک تاں ھدے ءَ اے مسئلہ ءِ ذمہ واری حکمران بوت کن انت بلے حکمران آں گوں ھواری ءَ چاگرد ءَ ہم ہمے ھرابیں ذمہ گشگ گلط بیت۔
آئی ءَ گشتگ کہ ایشی ءَ ھچ شبہ نیست کہ بد عنوانی ءُُ وت واجہی ءِ چولی دامن ءِ گوں انت بلے بد عنوانی ءِ ھلاپ گپ کنگ ءَ اے گپ ءَ سیل بہ کن ات کہ ایشی ءَ ریاست ، ریاستی ادارگ ءُُ ریاستی نظام ءَ ھچ تاوان مہ رسیت۔ صدر مملکت ءَ گشتگ کہ مئے اے کوشست ہمے جاور ءَ سر سوب بوت کنت اگاں ماں گروہی مفاد آنی سرا الما بد عنوانی ءَ وتی ہدف جوڑ بہ کن انت۔ آئی ءَ گشتگ کہ اگاں مردم وتی اجتماعی ذمہ واریءَ سیل بہ کنت گڑا ایشی ءِ آسر ءَ انتشار ءِ کیفیت پیداک بیت آئی ءَ جوڑ بوؤکیں چاگرد پروشگ ء ِآماچ بیت انت۔
صدر مملکت ءَ گشتگ کہ اُلس ءِ رکھگ حکومت ءِ ذمہ واری انت ءُُ ھاس کن انچیں مردم کہ آ بد عنوان مردم ءَ عبرت ءِ نشان جوڑ کنگ ءِ ھاتر ءَ کوشاں بیت انت۔ آئی ءَ چاگرد ءِ دانشور ءُُ با اثر طبقہ ءَ ہم گشتگ کہ آ ہم دیما آھگ ءَ ایشی ءَ وتی کرد ادا بہ کن انت۔ ہمے وڑ ءَ گہتری چاگرد ءِ یک انچیں تحریک ءِ بنیات جوڑ بیت آئی ءِ آسر ءَ سیاسی، چاگردی ءُُ طبقاتی بہر ءُُ بانگ ءِ سرا پاد آھگ ءَ ماں وتی مسئلہ ھل کنگ ءِ قابل بوت کن انت۔
صدر مملکت ءَ گشتگ کہ مرچی ملک ءَ بد عنوانی ءِ ھلاپ بیداری گندگ ءَ انت کہ آ ئی سرا تسلا انت ۔ آئی ءَ اے موہ ءَ بد عنوانی ءِ ھلاپ شعور زورگ ءِ ھاتر ءَ کلر بک برجاہ کنگ ءِ خیر مقدم کنگ ءَ گشتگ کہ ہمے وڑ ءِ علامتی گامگیج نوکیں نسل ءُُ چاگرد ءِ ذہن سجیںءُُ شعور ءِ بیداری ءِ ذریعہ جوڑ بوت کنت۔ صدر مملکت ءَ گشتگ کہ زاھگ آنی دیما قول ءُُ کار ءَ یکسانیت ءَ آھانی ذہن آنی سرا شریں اثر کپیت آئی ءَ چاگرد شری ءِ نیمگءَ روت، اے موہ ءَ صدر مملکت ءَ بد عنوانی ءِ ھلاسی ءِ ھاتر ءَ برزیں کارءُُ کرد ءِ مظاہرہ کنوکیں آفسر آں سرٹیفکیٹ ءَ داتگ۔
