میئر کوئٹہ ڈاکٹر کلیم اللہ خان کاکڑ تون چین انا کمپنی (CECU) نا ڈل انا اوڑدہی

میئر کوئٹہ ڈاکٹر کلیم اللہ خان کاکڑ تون چین انا کمپنی (CECU) نا ڈل انا اوڑدہی

کوئٹہ(پاکستان نیوز پوائنٹ 9دسمبر2016ء) میئر کوئٹہ ڈاکٹر کلیم اللہ خان کاکڑ تون چین انا کمپنی (CECU)نا اسہ ڈل اس ضلعی آفیسرآتون اوار اوڑدہی کرے۔ اوڑدہی نا وخت آ ماس ٹرانزٹ ٹرین ڈٹ ہرا کچلاک و سپیزنڈ نا نیام اٹ لائٹ ریلوے آ تالان ءِ آ غوووخوض کننگامیئر کوئٹہ داڈٹ انا ستاءِ کرسا پارے کہ دا ڈٹ انا پورو ی آن گڈ الس نا بھلو کچ اس مستفید مریک۔ اوپارے کہ داڈٹ آن نہ صرف الس نا بھلو کچ اس فائدہ ہرفنگ کیک بلکن الس ءِ اسہ معیاری سفری آسراتی اس ہم دوبریک۔

چینی ڈل کوئٹہ ٹی ماس ٹرانزٹ ٹرین ڈٹ اٹی گہری است خواہی نا درشانی ءِ کرسا دا اومیت نا درشانی ءِ کرے کہ داوڑنا ایلو ڈٹ آک بلوچستان نا الس نا زند انا آب ءِ گچین جوڑ کننگ اٹی کمکار جوڑ مریرہ ہراڑآن نہ صرف ہڑتوم آ ملک آتا سنگتی سوگوی آن سوگو تر مریک بلکن ہڑتوم آ ملک آتا الس ہم اسہ ایلو نا پین خڑک بریرہ۔