اسلام آباد(پاکستان نیوز پوائنٹ 9دسمبر2016ء) وزیر مملکت دیر و بجلی عابد شیرعلی سپریم کورٹ اٹی پانامہ کیس انا سماعت آ پبی پت انا درشانی ءِ کرسا پارے کہ مسلم لیگ (ن) عدالت عظمیٰ ٹی ہم سرخرومریک۔ جمعہ آ سپریم کورٹ نا پیشن میڈیا تون ہیت وگپ کرسا اوپارے کہ حکومت عدالت عظمیٰ نا فیصلہ نا پورو شرف ءِ کیک۔ اوپارے کہ پاکستان تحریک انصاف نا وکیل نعیم بخاری دا پارسا عدالت عظمیٰ نا وقار ءِ مجروح کرینے کہ او کمیشن نا بائیکاٹ ءِ کیک ، او ہمو ٹک آتا اعادہ ءِ کننگ ءِ ہرا سپریم کورٹ اٹی مست آن ہی شرہ ٹی اتنگانو۔
اوعمران خان ءِ سلاہ تس کہ او پاناماکیس نا بابت تینا پٹیشن ءِ پدی ہلے انتئے کہ دا بے بنداو دوبہ غاتیا مبنی ئسر۔ اوپارے کہ مسلم لیگ (ن) عدالت اٹی ٹھوس و مصدقہ ثبوت و دستاویزی شاہدی تتون پیش کرے ہرافتے آن حق آشکار مس۔ اوپارے کہ پی ٹی آئی مسکوہی ٹی ہم مسلم لیگ (ن) نا برخلاف بے بنداو دوبہ خلسا قوم ءِ گمراہ کرسا کرینے انتئے کہ دا دوبہ غاک گڈ اٹی غلط ثابت مسر۔
