اسلام آباد(پاکستان نیوز پوائنٹ 8دسمبر2016ء) صدر مملکت ممنون حسین پارینے کہ اقوام عالم اٹی ہموقومک پنی مریرہ ہرا تینا لائخی و خواری ءِ کاریم اٹ اتسا تینا گرج آتیٹی خودکفیل مریرہ ۔ معاشی سوگوی نا بیدس خودکفالت نا مزل آ سرمننگ ممکن اف۔ پاکستان اٹی ودی مروک آ پوسکن آ گمان آتیان پبی وڑاٹ مستفید مننگ کن ہرسقم آن پاک ڈٹ بندی و چین پاکستان اقتصادی راہداری ءِ سرسہبی اتون پورو کننگ کن پبی قومی ہم آہنگی نا گرج ءِ۔
صدر مملکت داہیت ءِ وزارت ڈٹ بندی ، شونداری و اصلاحات نا کنڈآن اڈ ہلوک”قومی سوگوی، شونداری و واک اٹی کارفرماعنصرترکیبی “ نا سرحال آ کل پاکستان کانفرنس آن تران کرساپارے۔ صدر مملکت پارے کہ ننے قومی شونداری و سوگوی کن کلیدی کڑدادا کروک آ عوامل نا خڑکی نظراٹ جاچ ءِ ہلسا تینا حکمت عملی نا تعین ءِ کروئی مریک۔ اوپارے کہ اینو نا دوراٹی تعلیم نا اہمیت غٹ آن زیات ءِ۔
مسکوہی منہ دہائی نا وخت پاکستان اٹی تعلیمی ادارہ غاتا کچ و داتناسب آن تعلیم نا کچ اٹی مناسب ودکی مسنے۔ قومی مسخت نا دوئی نا رداٹ دااسہ است بڈ پیش رفت اسے ولے تعلیمی بشخ آتیٹی نظر بروک آ دا شونداری نا معیار و مقدار نا بارواٹی ننے حددرجہ محتاط و بیدار سلوئی مرے۔ صدر مملکت پارے کہ اودے یخین ءِ کہ داوڑ اسہ روشنا، طاقت ور و اقوام عالم اٹی پنی حیثیت تخوک آ پاکستان ازخودوجود اٹی بریک۔ وزیر مملکت تعلیم و کسبی تربیت انجینئر محمد بلیغ الرحمان و چیئرمین ہائر ایجوکیشن کمیشن ڈاکٹر مختار احمد ئسک ہم دودآن ترا ن کریر۔
