کوئٹہ(پاکستان پوائنٹ نیوز۔22 جولائی۔2016) صوبائی اسمبلی راحیلہ حمید خان درانی ءَ گشتگ انت کہ بلوچستان رقبہ ءِ پڑءَ ملک ءِ کل آں چہ مزنیں صوبہ انت ءُُ قدرتی وسیلگ ءَ پر انت اے وسیلگ کار مرز کنگءِ ھاتر ءَ ھستیں صوبائی حکومت سکیں گامگیج کنگ ءَ انت۔ صوبہ ءِ دوریں دمگ آں بنیاتی آسراتی ءَ یقینی جوڑ کنگءِ ھاتر ءَ درستیں وسیلگ کار مرز کنگ ءَ انت ۔
ورنا ملکءِ میرات انت مارا آھانی شریں باندات ءِ ھاترء َ غیر معمولی گام گیج کنگ بیت۔ اے ھیال آنی درشانی آئی ءَ پنجاب ءِ لہتیں یونیورسٹی آں نو در برا ٓنی ٹولہ موبلائزیشن کمپیئن ءِ ردا بلوچستان ءِ مطالعاتی تر ءُُ تب ءِ سرا انت ءَ اسمبلی ءِ تر ءُُ تاب ءِ موہ ءَ تران کنگ ءَ کرتگ۔ آئی ءَ گشتگ کہ ورنا نو در بر وتی وتہ ءِ سفیر بئینت آھاں بین الصوبائی مطالعاتی پروگرام ءِ ردا صوبہ آنی تر ءُُ تاب کنگ لوٹیت تنکہ اے صوبہ ءِ مہلوک ءِ رویات، دود ءُُ ربیدگ ءُُ ور ءُُ کار ءِ باروا آھاں زانت بہ رسیت آئی ءِ تہا تپاک ء، جبزگ بہ دار انت ءُُ آھاں ملک ءِ دیمروی ءُُ وشحالی ءِ کار ءَ شر وڑ ءَ کرت بہ کن انت۔
مارا یکجا بوھگ ءَ ملک ءِ دیمروی ءِ ھاتر ءَ کار کنگ بیت۔ آئی ءَ چائنا ءِ مثالی دیمروی ءِ باروا نو در بر ءَ گشگ ءَ گشتگ کہ چین ءَ دگنیا ءَ برزیں وانگ ءَ دیمروی دئیگءَ اے ھند ءَ سر بوتگ انت ءُُ ایشی ءِ دیمروی مثال درستیں دگنیا ءَ دات کنت۔ آئی ءَ نو دبر آنی سرا زور دئیگ ءَ گشتگ کہ آ ایمانداری ءَ وتی شعار جوڑ بہ کن انت ءُُ برزیں وانگ حاصل کنگ ءَ ملک ءِ دیمروی ءَ شریں کرد پیش بہ دار انت۔
