بنجائی وزیر خزانہ سینیٹر اسحاق ڈار نا فرانس نا ادارہ شونداری نا 75می سال دے نا دود انا ایسری سیشن اٹی شرکت

بنجائی وزیر خزانہ سینیٹر اسحاق ڈار نا فرانس نا ادارہ شونداری نا 75می سال دے نا دود انا ایسری سیشن اٹی شرکت

اسلام آباد(پاکستان نیوز پوائنٹ 7دسمبر2016ء) بنجائی وزیر خزانہ سینیٹر اسحاق ڈار فرانس نا ادارہ شونداری اے ایف ڈی نا 75می سال دے نا دود انا ایسری سیشن اٹی شرکت کرے۔ فرانس نا صدر فرانسوااولاند پیرس اٹی اڈ ہلوک آ دود انا میزبانی ءِ کرے۔ اے ایف ڈی نا سال دے نا دوداٹی فرانس نا وزیر خارجہ جین مارک ایرالٹ، گنی نا صدر، ہیٹی نا وزیراعظم، سری لنکا نا وزیر خزانہ، اے ایف ڈی نا چیف ایگزیکٹو آفیسر، فرانسیسی باسک پارلیمنٹ، سفارت کارو سول سوسائٹی نا باسک آتا بھلو کچ اس ساڑی ئس۔

فرینچ ایجنسی فارڈویلپمنٹ نا زیات تر پروگرام توانائی و پن بجلی نا ڈٹ آتیٹی فنانسنگ آ تخوک ءُ ہرا پاکستان نا توانائی نا کمتی نا مون ءِ توننگ نا کوشست آتیٹی کمکار ثابت مننگ ءُ۔ اے ایف ڈی شون ہلوک ملک آتے کن فرانس نا سرکاری شونداری کمکاری کن اسہ مالیاتی و عملدرآمدی ادارہ اسے۔ دانا مسخت کیہی جغرافیائی ڈیہہ تیٹی خلقت آتا زند انا حالیت ءِ گچین جوڑ کننگ کن راجی و اقتصادی شون اٹی بشخ شاغوئی ءِ۔