بنجائی وزیر پٹرولیم و قدرتی وسیلہ شاہد خاقان عباسی کرک اٹی مکوڑی گیس پروسیسنگ پلانٹ نا افتتاحی دود آن تران

بنجائی وزیر پٹرولیم و قدرتی وسیلہ شاہد خاقان عباسی کرک اٹی مکوڑی گیس پروسیسنگ پلانٹ نا افتتاحی دود آن تران

اسلام آباد(پاکستان نیوز پوائنٹ 6دسمبر 2016ء) بنجائی وزیر پٹرولیم و قدرتی وسیلہ شاہد خاقان عباسی پارینے کہ حکومت گیس انا فراوانی نا بابت صنعتی و اُرائی بشخ آتا گرج آتیان پوروی وڑاٹ معلومدار ءِ۔ معیشت نا سوگوی و شونداری کن دا بشخ آتا گرج آتے پورو کننگ کن ہر وڑنا گام گیج کننگ انگ ءِ۔او داخیال آتا درشانی ءِ سے شنبے آ کرک اٹی مکوڑی گیس پروسیسنگ پلانٹ نا افتتاحی دود آن تران کرسا کرے۔

اوپارے کہ مسکوہی حکومت آتا دور اٹی اُرائی و صنعتی بشخ انا گیس انا ودوک آ طلب ءِ پورو کننگ کن ہچ ءُ مناسب ڈٹ بندی اس کننگ تنے، ساڑی آ حکومت برسراقتدار بننگ آن گڈ بجلی و گیس نا بشخ آتیا خصوصی توجوہ تخانے تانکہ اوفتا طلب ءِ پورو کننگ مرے۔ اوپارے کہ ملکی گرج آتے پورو کننگ کن گیس انا پٹنگ نا کیہی ڈٹ آتیا کاریم جاری ءِ و گیس آن تعلقدار 800 ارب روپئی نا ڈٹ آتا بناء کننگانے ہرافتارداٹ ملکی توانائی نا گرج آتے پورو کننگ کن ایل این جی ٹرمینل جوڑ جاڑ کننگک و گیس پیپ لین شاغنگک۔

اوپارے کہ ساڑی آ حکومت نا پالیسی تا سوب 2018ء اسکان پاکستان اٹی توانائی فاضل مریک، چین۔پاکستان اقتصادی راہداری ٹی ہم توانائی نا بشخ آ توجوہ تخنگانے، بجلی نا پیداوار نا ڈٹ آک پورو مننگ آن گڈ پاکستان ءِ ہمیشہ کن لوڈشیڈنگ آن نجات ملک۔ اوپارے کہ پاکستان مستین مسہ سال اٹی توانائی ، بنداوی ڈھانچہ، مواصلات، معیشت، راجی ، تیل و گیس انا بشخ آتیٹی شون و شان شون ہلکونے و پاکستان 2013ء نا مقابلہ ٹی معاشی لحاظ آن اینو زیات سوگو و مستحکم ءِ۔

اوپارے کہ گیس و توانائی نا ڈٹ آتا پوروی آن توانائی نا کاختی نا ویل ایسر مریک۔ سسٹم اٹی پین گیس اوار مننگ آن کم پریشر و کاختی نا ویل ہم ایسر کننگک۔ اوپارے کہ کرک گیس انا دولت آن مالامال ءِ و مکوڑی کون آ ڈٹ آتیان علاقہ ٹی نیزگاری نا چٹفنگ تون اوار اوار روزگار نا وارخواہی ہم ودک۔ اومکوڑی گیس پروسیسنگ پلانٹ نا افتتاح آ مول پاکستان ءِ مبارکبادی تس و اومیت ظاہر کرے کہ کمپنی تیل و گیس انا بشخ اٹی تینا زرکاری ءِ برجاتخک، داکان مست مول انا کمامدارآک بنجائی وزیر ءِ مکوڑی گیس پروسیسنگ پلانٹ نا بارواٹی ہم سرجمی اٹ بریفنگ تسر۔