ٹیکٹر آتا نرخ آتے ٹی کمتی ہتنگ کن بیلاروس ءِ ٹیکٹر سازی نا بشخ اٹی زرکاری نا سلہ خلنگانے، بنجائی وزیر سائنس و ٹیکنالوجی رانا تنویر حسین

ٹیکٹر آتا نرخ آتے ٹی کمتی ہتنگ کن بیلاروس ءِ ٹیکٹر سازی نا بشخ اٹی زرکاری نا سلہ خلنگانے، بنجائی وزیر سائنس و ٹیکنالوجی رانا تنویر حسین

اسلام آباد(پاکستان پوائنٹ نیوز۔22 جولائی۔2016) بنجائی وزیر سائنس و ٹیکنالوجی رانا تنویر حسین پارینے کہ ٹیکٹر آتا نرخ آتے ٹی کمتی ہتنگ کن بیلاروس ءِ ٹیکٹر سازی نا بشخ اٹی زرکاری نا سلہ تننگانے، ٹیکٹر سازی نا معیار ءِ گچین جوڑ کننگ کن گام گیج کننگک۔ جمعہ آ ایوان بالا نا دیوان اٹی وقفہ سوج آتا وخت آ سینیٹر محسن لغاری، چوہدری تنویر خان و نعمان وزیر نا سوج آتا ورندی ٹی بنجائی وزیر سائنس و ٹیکنالوجی رانا تنویر حسین پارے کہ ملک اٹی ٹیکٹر آتا نرخ آتے ٹی کمتی ہتنگ کن بیلاروس ءِ پاکستان اٹی ٹیکٹر سازی نا بشخ اٹی زرکاری ان سلہ تننگانے۔

او پارے کہ مستین گڑاس عرصہ نا وخت آ ٹیکٹر نا تیاری نا معیار اٹی کمتی بسنے ولے ٹیکٹر زآتا بابت معیار اس وضع کننگ آ پیش رفت جاری ءِ ولے دا چرجوئی ٹی معیار آ عملدرآمد ہمودروشم اٹی مننگ کیک ہراتم سٹینڈرڈز اینڈ کوالٹی کنٹرول اتھارٹی نا کنڈآن المی مہشون اٹی اودے اوڑدہ کننگک۔ اوپارے کہ ٹیکٹر سازی نامعیار ءِ گچین جوڑ کننگ کن گام گیج کننگک۔ کنوئی آ گڑاو ڈیری مصنوعات آتا معیار ءِ باوری جوڑ کننگ اٹی پی ایس کیو سی اے تینا کڑد ءِ ادا کیک۔ اتھارٹی نا کچ اٹی ہم ودکی کننگک۔ اوپارے کہ کسٹمز گڑاس غیر معیاری گڑاتے کلیئر کرے ، زمہ وار آتا برخلاف کارروائی مریک۔