اسہ ہنر اسہ نگر ڈٹ انا مسخت خلقی نرینہ و نیاڑی ، ہنرمند، دستکار و نیزگار بندغ آتے کاروبار نا شون نا خذمت آتسکان رسینگ فراوان کروئی ءِ، شیخ آفتا ب احمد

اسلام آباد (پاکستان پوائنٹ نیوز۔22 جولائی۔2016) بنجائی وزیر پارلیمانی امور شیخ آفتا ب احمد پارینے کہ اسہ ہنر اسہ نگر ڈٹ انا مسخت خلقی نرینہ و نیاڑی ، ہنر مند، دستکار و نیزگار بندغ آتے کاروبار نا شون نا خذمت آتسکان رسینگ فراوان کروئی ءِ۔ جمعہ آ ایوان بالا نا دیوان اٹی وقفہ سوج آتا وخت آ سینیٹر احمد حسن، سینیٹر نزہت صادق و سینیٹر شبلی فراز نا سوج آتا ورندی ٹی بنجائی وزیر پارلیمانی امور ایوان ءِ پارے کہ حکومت 2000ء ٹی اسہ ہنر اسہ نگر نا پن اٹ اسہ ڈٹ اسینا بناءِ کرے دا خلقی کاروبار نا جدت نا ڈٹ ءِ داٹی نیاڑی تا پبی است بڈی ءِ کننگک۔ اوپارے کہ داڈٹ انا مسخت خلقی نرینہ و نیاڑی، ہنر مند ، دستکار و نیزگار بندغ آتے کاروبار نا شون نا خذمت آتسکان رسینگ فراوان کروئی ءِ۔