اسلام آباد۔ (پاکستان پوائنٹ نیوز۔22 جولائی۔2016) بنجائی وزیر پارلیمانی امور شیخ آفتا ب احمد ایوان ءِ پارے کہ یوٹیلٹی اسٹورز آتیا گڑاک مارکیٹ نا نسبت ہڑزان تننگرہ۔ دال و ایلو گڑاتا نرخ آتیا روچہ پیکج نا رداٹ تروک آ سبسڈی برجاء سلک۔ جمعہ آ ایوان بالا نا دیوان اٹی وقفہ سوج آتا وخت آ سینیٹر کلثوم پروین ، عثمان کاکڑ و اعظم سواتی نا سوج آتا ورندی ٹی بنجائی وزیر پارلیمانی امور شیخ آفتاب احمد ایوان ءِ پارے کہ یوٹیلٹی اسٹورزآتیا گڑاک مارکیٹ نا نسبت ہڑزان تننگرہ۔
دال و ایلو گڑاتا نرخ آتیا روچہ پیکج نا رداٹ تروک آ سبسڈی وزیراعظم نا پارت آ جاری سلک۔ اوپارے کہ یوٹیلٹی اسٹورزکارپوریشن نا کارکڑد ءِ گچین جوڑ کننگ کن گام گیج کننگ انگ ءِ ۔ ایم ڈی ءِ ہم بدل کننگانے۔ یوٹیلٹی اسٹورز آتا نجکاری نا فی الحال ہچ ءُ منصوبہ اس اف۔
